تبلت البانيه ببصل وملح وفلفل وبابريكا وكارى وكركم وثوم بودره وليمونه وسيبتها ساعتين
وبعدين قطعت جرز وفلفل رومى واحده بس تدى طعم وبصل شرائح وطماطمايه كبيره وقلبتهم بملح وفلفل بس خدو بالكم لأن البانيه متبل بملح برضو
وقطعت بطاطس حلقات تخينه وحطيتها فى قاع البايركس وفوقها نص الخضروات ونرص بقى البانيه وفوقه باقى الخضروات
أما بقى صوص الجبنه ده إختيارى وممكن يتبدل ب بشاميل خفيف
جبنه بريزيدن اللى بالجبنه الرومى الكوبايه الصغيره فى طاسه تيفال حطيت حتة زبده صغيره ونص كوب الجبنه وشوية لبن صغيرين ونقلب ونسيح الجبنه لحد ما تبقى صوص ونرشلها رشة ملح بسيط وفلفل وثوم بودره ونحطها على وش البايركس ونغطى بقى بالفويل ونحطها تستوى وبعدين الوش يتحمر
