|
الاكله دي جميله وكمان موفره جدا والاطفال هيحبوها انا بعملها من صدور الفراخ يعني بجمع كذا واحد مع بعض وبعدين اخليها واعملهابنجيب الصدور نخليها ونحط عليها ملعقتين نشا وفص ثوم مفروم كويس اوي او بودره ثوم وملح وفلفل وكمون وكيس مرقه دجاج فوريه ونقطتين عصير ليمون وممكن تحطي فلفل اوشطه خضرا زي ماتحبي انا عامله المثلثات اللي في بارده لأبني والاصابع حاره لينا احنا بنفرم كل ده في الكبه ونجيب صينيه ونفرد فيها كيس بتاع حفظ الاكل بفتحه وافرده في الصينيه وبعدين ابلل ايدي بالمياه وافرد كميه الفراخ اللي عملتها ويكون سمكها حوالي واحد سم وبعدين افرد عليها كيس كمان من فوق وادخلها الفريزر لما تتماسك اطلعها من الفريزر واشكلها اصابع او مثلثات واحطها في دقيق وبعدين بيض وبعدين فيجيتار او بقسماط وادخلها الفريزر تاني وبكده بقت جاهزه عندك تتطلعيها وتحمريها في الزيت في اي وقت وبتفضل فتره كبيره مش بيحصلها حاجه وبالهنا والشفا
|