|
السلمون انا بجيبه جزل من كارفور تبلته بمعجون طماطم وفلفل احمر واصفر واخضر وبصل اخضر وبقدونس هو والجمبرى وبعدين شيلته من التتبيله وسخنت طاسه مابتلزقش وروحت حاطه السلمون من غير اى حاجه كده دقيقه على كل وش وبعدين روحت حاطه عليه الجمبرى والتتبيله وغطيته بفويل وسيبته على نار هاديه خالص وبس .ودى طريقة الشوربه بطريقه سهله خالص اولا لو عندى اى قشور جمبرى او راسه او راس سمك بغليها فى مايه فى حله صغيره وبعدين ببشر جزره واشوحها فى حتة زبده وبعدين شوية بقدونس اخضر تقلبتين مع الجزر وبعدين انا ماكانش عندى كرية الطبخ فاحطيت نص معلقة دقيق على الجزر والبقدونس وقلبتهم كويس وجبت الشوربه اللى غليتها وروحت حطاها على الجزر والبقدونس وسبتهم يغلوا شويه ونص معلقة الدقيق التانيه قلبتها فى نص كوب لبن كويس وضيفتها على الشوربه اللى فيها الجزر وسيبتهم يغلوا شويه علشان طعم الدقيق يروح وبعدين حطيت بقى فواكه البحر وهى يدوب خمس دقايق يغلوا وطفيت عليها وسبتها تكمل سوى ععلى البخار بتاعها وطبعا شويه ملح حسب الرغبه وبالف هنا وشفا بجد كانت تحفة
|