جبت نص كيلو كاليمارى شرايح ونص كيلو جمبرى حجم وسط هجيب طاسة كبيرة وشوية سمنة اوزيت زى ماتحبى واقطع بصلاية كبيرة شرايح وفصين توم ابشرهم واشوحهم وبعدين اجيب الكاليمارى واسيبه شوية لحد ماينزل ميته ولونه يقرب عالسوا وبعدين احط الجمبرى برده واسيبهم شوية عالنار لحد مالونهم يقرب عالسوا واقلب وقطعت فلفل اخضر واصفر واحمر وشوية بقدونس اخضر وضيفتهم وبره اضرب طماطم فى الخلاط انا ضربت 5 صغيرين ومعاهم قرن شطة احمر وبعدين احطهم فوق الخليط ومعاهم ملح وفلفل اسمر واسيبها عالنار تاخد كام غلوه طبعا الصوص كان كتيييير اما تقل شوية خدت منه حبه فى طبق بره ودخلت الخليط كله فى صينية فى الفرن نص ساعة عشان يتحمر شوية بما انى بحب اى حاجة اعملها ادخلها الفرن الكهربا تاخد لون وبس بالهنا والشفا
