معانا وبس تقدرى تعملى " لبيتزا بنفس طعم وجودة اكبر المحلات المشهورة بعمايل البيتزا وبأقل التكاليف وأضعاف الكمية بالاطعمة المختلفة كل دة واكتر فتابعونا فى الاسطر القليه القادمه
ملحوظه مهمه اكيد كلنا عارفينا ان البيتزا من الاكلات السهل الابداع فيها يعنى ممكن تجربى تزودى الجنبه الموتزيلا نحط كاتشب حراق زتون اخضر فراخ و لحمه مثلا جربى و عيشى و بلغينى اضفتى ايه و طلعت معاكى طعمها ازاى.
جاهزين عشان نعمل بيتزا فى البيت احسن من بتاعه بره
اسهل و ابسط طريقه لعمل اطعمه البيتزا المختلفه
يلا نبدا باو ل واهم حاجه العجينه واللى لو ظبطت تمام هتظبط ميه ميه
مقادير عجينه البيتزا
2 كوب دقيق
2 ملعقة زيت
2 ملعقة صغيرة خميرة
نصف ملعقة صغيرة ملح
2/3 كوب ماء
ملعقة كبيرة سكر
طريقه عمل عجينه البيتزا فى المنزل و دى اسهل طريقه لعمل عجينه البيتزا
هنحط الدقيق فى حاجه تصلح للعجن و معاه الزيت و الخميرة و السكر و الملح والماء و نعجنه كويس كلهم فى بعض و نسيب العجينه ساعه تخمر كويس
شوفتو العجينه سهله و بسيطه ازاى دلوقتى جه معاد نعمل تانى حاجه الصلصه بتاعه البيتزا
مقادير صلصه البيتزا
1 كوب صلصة طماطم (فى ناس بتقول عليها معجون)
2 ملعقة كاتشب
2 ملعقة ثوم مفروم
2 ملعقة زيت
طيب ايه بقى طريقه صلصه البيتزا
بصى يا ستى حاجه بسيطه خالص هنخلط كل المقادير و نسيبها على جنب .
هنبدا بقى كدا نعمل البيتزا بس شرط يكن فات ساعه على العجينه و خمرت كويس
اول طعم بيتزا هنعمله النهارده بيتزا اللحمه المفرومه
المقادير
ربع كيلو لحمة مفرومة
1 بصلة مبشورة
فلفل الوان قطع شرائح
رغيف ناشف
2 ملعقة زيت
جبنة رومى مبشورة
جبنة موتزاريلا
زيتون اسود حلقات
ملح
فلفل
قرفة
زنجبيل
طريقه عمل بيتزا باللحمه المفرومه
نعصج اللحم و نفرد عجينة من البيتزا نحط اللحم المعصج بالفلفل الاسود ثم نضع الجبنة الرومى و الموتزاريلا و حلقات الزيتون و تدخل الفرن على درجة حرارة 2000 درجة حتى النضج و تقدم.
مقادير بيتزا بالتونة
نفس العجينة و الصلصة للحشو
علبة تونة
فلفل الوان
بصل حلقات
ليمون
ربع ملعقة كمون
جبنة موتزاريلا
جبنة رومى
زيتون اسود حلقات
الطريقه
تفرد العجينة عليها الصلصة و عليها تتبيلة التونة و الجبن الرومى و الزيتون و تدخل الفرن و تقدم
مقادير جبنة بالدجاج
نفس العجينة و الصلصة
للحشو
2 صدور دجاج
بصل حلقات
زيتون شرائح
2 ملعقة زيت
ملعقة ملح
نصف ملعقة فلفل
ربع ملعقة قرفة
ربع ملعقة زنجبيل
جبن رومى
جبن موتزاريلا
الطريقه
نشوح البصل فى الزيت ثم نضع صدر الدجاج المقطع و تتبل و تقلب حتى النضج.
تفرد عجينة البيتزا و يوضع بها الصلصة و عليها الدجاج ثم نضع الجبنة و الزيتون و تدخل الفرن لمدة لا تقل عن 20 دقيقة فى فرن على 2000 درجة حتى الطبخ.
مقادير بيتزا بالمشروم
نفس العجينة و نفس الصلصة
علبة مشروم
فلفل الوان
زيتون شرائح
جبنة رومى
جبنة موتزاريلا
الطريقه
تفرد العجينة و يوضع عليها الصلصة ثم يوضع عليها المشروم المقطع و الفلفل و الجبن والزيتون و تدخل الفرن حتى النضج.
مقادير بيتزا بالجمبرى
نفس مقادير الدقيق والصلصة
ربع كيلو جمبرى للحشو
2 ملعقة زيت
2 ملعقة ثوم مفروم
ليمون
ملح
كمون
جبنة رومى
جبنة موتزاريلا
زيتون شرائح
حلقات بصل
الطريقه
تفرد العجينة و عليها الصلصة و يشوح الجمبرى فى زيت فى طاسة على النار و يوضع الثوم و يقلب حتى السواء و بعد ذلك يوضع الجمبرى على العجينة ثم الجبنة و الزيتون و تدخل الفرن وتقدم.
مقادير بيتزا البسطرمة
ربع كيلو بسطرمة
نفس العجينة والصلصة
جبنة رومى
جبنة موتزاريلا
زيتون شرائح
فلفل الوان
الطريقة
تفرد العجينة و عليها الصلصة و ترس البسطرمة و عليها الفلفل و الزيتون و الجبنة و تدخل الفرن و تقدم.