السلام عليكم ورحمة الله وبركااته

الى احلى سيدات بمنتديات نجوم مصريه هقدملكم اليوم طريقه لاكله جميله بيحبها الكل وهى الجلاش باللحمه المفرومه وهى طبعا اكله سهله وبتتقدم دايما فى العزومات لانها سهله وشكلها بيبقى رائع على السفره وطبعا تقدرى تعمليها دايما لاسرتك لانها مفيده وبتحتوى على البروتين الحيوانى اللى بيحتاجه الاطفال والجلاش زى ما احنا عارفين لى استخدمات تانى كتير زى اننا نحشيه بالجبن وبكدا يكون صنف حادق او اننا نعمله بالمكسرات كصنف حلو واستخدمات تانى كتير وانا هقدملك طريقه بسيطه تعملى بيها الجلاش باللحمه المفرومه بدون تعب نشوف المقادير والطريقه مع بعض



المقادير :
نصف كيلو لحم مفروم
بصله مقطعه
ملح وفلفل وتوابل
لفائف جلاش
سمن
كوب لبن
بيضه

الطريقه:
اولا : هتهنى الصينيه اللى هتستخدميها سمن وهتبداى تضعى رقائق الجلاش فوق بعض فى الصينيه وبين كل طبقه تدهنى سمنه
ثانيا :عندما تصلى الى نصف الرقائق تبداى تفردى العصاج (تحمرى البصل فى السمنه وتضيفى عليه اللحمه المفرومه والبهارات وتشوحيها )
ثالثا : بعد ما تفردى اللحمه على النصف الاول من الجلاش تبداى تفردى فوقيها النصف الثانى من طبقات الجلاش المتبقىه

رابعا : تخلطى كوب اللبن فى البيضه وتضيفى ملح وفلفل وتضيفيه للصنيه وتوزيعيه كويس فوق الجلاش وتقطعى الجلاش قطع قبل ما يدخل الفرن علشان يسهل عليكى تقطيعه بع خروجه من الفرن
خامسا : ضعى صينية الجلاش فى الفرن وانتظرى حتى يحمر لونها وبالهنا والشفا

فى رعاية الله

يسلمووووووووووووووووو