السلام عليكم يا قمرات وجبة الفراخ لا نستغنى عنها خلال الاسبوع حقا اننا ممكن ان نقوم بعمل وجبة سمك او كفته او لحوم وبالرغم من ارتفاع اسعار اللحوم لكن لامانع ان نقوم بعمل وجبه مرتين فى الشهر المهم علشان مش نزهق من روتين الفراخ قلت اقول لكم افكار لتجديد فى الشكل والطعم تعالو معايا نشوف الطرق المتاحة حاليا
وكلها تتبع تتبيلة واحدة
التتبيلة دى مهمة جدا يا بنات وتحفة
التتبيلة عبارة عن :
علبة زبادى كبيرة
ببريكا ـ خل
ملح
فلفل
زعتر
شطة
توم بودرة وبصل بودرة
بهارات فراخ
ماء بصلتين لكل كيلو بانية
ملحوظة البهارات من كل بهار قليل علشان ميضعش طعم الفراخ
تترك فى التتبيلة 12 ساعة وممكن منحطش زبادى للى ما بيحبوش الزبادى
اول وصفة الفراخ البانية المقرمشة
اول حاجة بنجيب الفراخ البانية انا بجيب كيلو ونصف
نشيل الشرائح الكبيرة للكوردون بلو والشرائح الطويلة للبانية المقرمش والحتت الصغيرة الى بتطلع من
التقطيع علشان نعمل بيها شاورما او رز بالفراخ
هنغمس القطع فى الدقيق ثم البيض اللى علية فلفل اسو د وقليل من اللبن وبعد كدة البقسماط متكسر علية كورن فليكس ونقلية فى زيت مع معلقة سمن
الوصفة الثانية رز بالفراخ
بسيط وسهل ويتعمل جنب اى نواشف
قطع الفراخ الصغيرة المتبقية عندى
هنبشر بصلة صغيرة ونحمرها شوية وننزل عليها بالفراخ
لحد ما تستوى معانا هى اتحمرت معايا شوية
هنحط التوابل
على كل كوباية رز
مكعب مرق
معلقة توابل كارى
نصف معلقة توابل فلفل اسود
ورقة لورا وفصين حبهان
ننزل بالرز ونشوحة خمس دقائق
الرز المصرى كوب الرز بياخد كوب ماء
|
