طبعا كل ستات البيوت الجداد الشاطرين عارفيين ان التوم الجديد طلع وطبعا هو رخيص اليومين دول فنلحق نخزن منه قبل ما يغلى لانه كل يوم بيغلى
امبارح شاريينه باربعة جنيه وانهاردة بسبعة جنيه فى سوق التلات
سورى بس بديكم فكرة
المهم عايزين نخزنة بدون مايخلى ريحة التلاجة توم او الفريزر وكمان يفضل بريحتة وطعمه واكيد اهم حاجة ما يفسدش
طيب تعالى هقولك تعملى ايه
هتجيبى التوم طبعا لازم من الجديد لانه طرى وبيستحمل طبعا
هتقشريه تقشرية بيبقى سهل قشرة مش زق عليه اوى بتقشريه بيبقى عليه تلات طبقات شيلى اتنين بس والتلتة بتبقى طرية وبعدين تفرميه فى الكبة مع معلقة صغيرة ملح
الملح هيحفظة ويساعد فى الفرم كمان
ونجيب برطمانات زجاجية ونلحوسها من جوه بالزيت كويس اوى ونحط التوم وعلى الوش برضه شوية زيت محترمين وعلى الفريز هيعد معاكى شهرين تلاتة
ولو فى التلاج ممكن اسبوع او عشر ايام
انا بقن بعمل ايه كمان دا من عندى انا بجيب الفلفل الحار اى لو المهم يكون حرااااق ومولع وبفرمه مع توم كتير بره وزرة ملح واطه برضه فى علبة وعلى الفريزر واستخدماته كتير بحبة مع البتنجان واى نوع دقة بيبقى حلو اوى جربوها وهتعجبكم
اشوفكم على خير لو عجبتك متنسوش تدعولى