السلام عليكم ورحمة الله وبركاته
ازيكم يا ستات البيوت الشاطرين الى بتحبوا تعملوا كل حاجة بايديكم انا انهاردة جبتلكم طريقة حفظ القرنبيط فى الفريزر علشان تطلعيه فى اى وقت وتحمريه وتعملى كل الى نفسك فيه منه كانه طازة ودا بس حصريا لنجوم مصرية
نبدأ مع بعض فى الطريقة على طول
اول حاجة بنجيب قرنبيطة حلوة كدا وكبيرة او الكمية الى انتى تحبيها وبنقطعها فصوص متوسطة الحجم ونغسل كويس اوى وبعدين نجهز مية بتغلى على النار وفيها ملح وكمون ليه كمون هقولكم ليه اولا القرنبيط والكرنب دايما لما نسلقهم المية بتاعتهم بتبقى ليها ريحة مش مقبولة ولو دلقناها فى الحوض مثا بتفضل موجودة الريحة الكمون بيضيع الريحة دى تانى حاج القرنبيط معروف بيعمل انتفاخات زى الكرومب وغازات فى البط وكدا الكمون طبعا بيمنع الموضوع دا
المهم بنديهم غلوة بسيطة كدا مش زى ما نكون هنستخدمه على طول لا
سلقة بسيطة اوى لان التلج بيسويه برضه
وبعدين نطلعة ونصفيه كويس من المية ونكيسة وعلى الفريزر وبالف هنا فى اى وقت تقدرى تطلعى وتحمرى وتعمليه كل حاجة طبعا