طريقة عمل سلطة الخيار بالزبادى

السلام عليكم ازيكوا يا بنات انا حبيت النهارده اجيبكوا سلطه يعنى تبقى خفيفه على المعده وسهله وتقدري تعملى جنبها اى اكله تانيه وان شاء الله تنال اعجابكم وتقدروا تعملوها جميعآ وطبعا زى م اتعودنا المقادير مش مكلفه خالص وهى اهم حاجه عشان لو مقاديرنا صح نعرف نعمل الاكله صح وتكون مظبوطه جدا جدا وتكونى عارفه عدد الافراد السلطه مفيده جدا للاطفال والكبار وبتظبط المعده وتساعد على الهضم وحتى لو عملتها كل يوم تبقى كويسه جدا يلا بقى نعمل السلطه نقول بسم الله

المقادير :-

3 كوب لبن زبادى
ملح – فلفل
كيلو خيار
نعناع ناشف
4 فصوص ثوم ناعم

الطريقه :-

- يقشر الخيار ويقطع أو يبشر صغيرآ
- يخفق اللبن مع الملح والثوم والنعناع
- يضاف الخيار الى مزيج اللبن حتى يصبح متجانس
- يضاف الفلفل الاسود حسب الرغبه