طريقة عمل كفتة الحاتى فى البيت

السلام عليكم ورحمة الله وبركاته .. انا النهارده هقدملكم اكله جميله وكلنا بنحبها اطفال وكبار كل الناس بتحبها وان شاء الله تعجبكم طريقتى وهى الكفته والنهارده بقى هنعمل الكفته بطريقه جديده وسهله جدا بس هتكون رائعه
الكفته المشويه من منتديات نجوم مصريه بطريقه سهله جدا ومبسطه
المكونات
1 كيلو لحم بقرى
100 جرام بصل مفروم من غير المايه بتاعته يعنى بعد فرمه بصفى المايه بتاع البصل لانها بتخلى الكفته تفك
2 فلفل رومى احمر
100 جرام ليه ضانى او دهن ضانى لان الضانى بيخلى طعم الكفته يجنن
ملح وفلفل اسود
1 بلح جوز الطيب مبشور
بقدونس مفروم حسب الرغبه
طريقه العمل
بفرم اللحمه وش واحد فى الماكينه ثم بضيف باقى المكونات وبعدين بفرم اللحمه تانى مع المكونات وش تانى فى الماكينه وبعدين بحطها فى الثلاجه لمده ساعه وبعدين بصبع الكفته وياريت تصبعيها على اسياخ عشان تستوى من جوه وبدخلها الفرن او بشويها على الجريله زى متحبوا وتقدمى جنبها طحينه وسلطه بلدى وبالهنا والشفا