كثير جدا من الستات بيشتكوا دايما من رائحة السمك المقلى عند قليه
بيكون يحة زفااااااارة صعبة بتخليهم من قبل ما ياكلوه يقرفوا ومش ياكلوه طبعا لازم الاول اقولك يا جميل
لازم اساسى السمك بتاعك يكون نضيف وطازة تكونى شارياه طازة ويكون سمك حلو
وتنضفيه كويس اوى وتجيبى المية بتاعت غسيل الرز فى الاول الى بتبقى
تقيلة دى وتحطى عليها معلقتين دقيق وشوية خل ولمون وتحطى السمك المتنضف فيها شوية وتدعكيه بالدقيق
وتسيبيه عما تعملى الخلطة الى هقولك عليها دى
لكل كيلو سمك
5 فصوص توم مقشر
حبة فلفل اخضر صغيرة
معلقة كبيرة ملح
معلقة كبيرة كمون
شوية شطة
بهار سمك
عصير ليمونة
هنطحن كل المكونات دى فى الكبة او الهون ونجيب السمك من المية الى حطناه فيها ونغسله بميه تانى
ونحط عليه الخلطة ونتركه ساعة وبعدين نعمله بالدقيق وبعدين نقليه وانتى بتقليه حطى فى الزيت شريحة ليمون او برتقال
هتحصلى على اطعم سمك وبدون اى ريحة كريهة وادعيلى
