لكل عشاق اكلات المحشى النهارده جيبالكم من مطبخى طريقه روعه لعمل محشى الباذنجان والفلفل الرومى ويعتبران هذا النوع من المحشى من الانواع اللذيذه والمحبوبه والمفضله لدى المستهلك واليكم اجمل طريقه لعمل محشى الفلفل والباذنجان بخطوات سهله جدا وبسيطه وغير مكلفه جربوها وان شاء الله هاتعجبكم اوى اوى
المقادير:
مقدار باذنجان
مقدار فلفل
مقدار بصل
مقدار عصير طماطم
مقدار خضرة متنوعة
مقدار توابل
مقدار ارز
مقدار شوربة
مقدار لية
مقدار توم مفروم
مقدار لحمة معصجة
التحضير: . طبعا احسن شئ ترتبي خطواتك. يعني انا بعمل حاجتين الاول
بفرم بصل في الكبة كمية بصل وهقولكم ليه . وبطحن مجموعة بهارات فريش بتعطي طعم رهييب وديه اول تكة(فلفل وكمون وقرفة وقرنفل وكسبرة وحبهان ومستكة وورق لورا)
. وبعد منها بضيف لها شطة وجنزبيل وبهارات لحم و نعناع ناشف
وهنستعمل البهارات ديه 3 مرااات
. وببشر ليه طبعا بتعطي طعم راااائع وهستعملها مرتين
* تحضير الخلطة :
. نشوح البصل وجزء من الليه في زيت ذرة
. حتي يدبل البصل ويكون لونه اشقر بلاش لونه يغمق لانه بيغير طعم الاكل
. ثم نضيف عصير طماطم ويكون تقيل ونضيف جزء من البهارات الي طحنتهاا
. طبعا نكون غسلنا الارز وغسلنا الخضرة ( شبت / بقدونس / كسبرة )
. وانا بحب اضيف لحمة مفرومة معصجة للمحشي
. وتكة مهمة بتعطي للمحشي طعم راااائع
بصل مقطع وعليه خلطة البهااارات ونعناع ناااشف كتير
. نضيف الارز والخضرة علي الصلصة و اللحمة المفرومة والبصل وتوم مفروم
الطبخ: . نقور البدنجان وانقعه في ميه بملح
. ونحشيه هو والفلفل ونرصه بالطول في الحلة
. انا بحب اسوي المحشي في شوربة و عصير طماطم مع بعض
بيعطي له طعم جميل. كان عندي شوربة بط في الفريزر
. بضيف للشوربة 2 كوب عصير طماطم واتركهم يغلوا مع اضافة خلطة البهاارات .وديه تالت مرة استعمل البهارات
. باضيف الشوبة .ونهز الحلة شوية عشان الشوربة تنزل تحت
. ونضع المحشي علي النار واول ما يبدأ يتشرب الشوربة اهدى النار ونتركه يستوي
. وفي نصف السوي تقريبا
بحضر في طاسة معلقة سمن بلدي وزيت ذرة وليه مبشورة واسخنهم وديه تكة كمان
. ونسكبها علي محشي البدنجان والفلفل
ونتركه حتي يتم التسوية
