طبعا كلنا بنحب التغيير فى الاكل فعشان كده النهارده جيبالكم طريقه جميله وخفيفه لعمل صينيه المسقعه وتعتبر المسقعه من الاكلات اللذيذه والمفضله والمحبوبه لدى الكبار والصغار واليكم اجمل واطعم طريقه لعمل صينيه المسقعه من مطبخى بالخطوات والصور اتمنى ان تنال اعجابكم ورضاكم
المقادير:
باذنجان يقشر ويقطع حلقات ويوضع فى مصفاة ويرش باملح ويوضع فوقه ثقل ليتخلص من مائه حتى لا يشرب زيت
بس انا باشويه على الشواية اخف
بطاطس تقشر وتقطع اصابع او حلقات وتقلى
فلفل اخضر رومى او شطة حسب الرغبة يقطع شرائح ويقلى او يشوى
الطريقة:
* نشوح بصل مقطع او مبشور فى زيت حتى يصفر
* نضيف عصير الطماطم وملعقتين صلصة طماطم والملح والفلفل الاسود والبهارات ونتركه حتى يتسبك
*نرص البطاطس والفلفل والباذنجان طبقات فى الصينية ونصب عليهم الصلصة المسبكة ويمكن اضافة لحم مفروم معصج لو حابه ولو مش عايزه مش ضرورى بس عشان بتديها طعم شويه
*توضع على النار حتى تغلى ثم توضع فى الفرن حتى تنضج ويقل ماؤها
*تقدم ساخنة والافضل باردة مع ارز ابيض او ارز حبة وحبة
