لكل زوارنا الكرام من خلال موقعنا نجوم مصريه ولكل عشاق اللانشون النهارده جيبالكم طريقه سهله جدا لعمل اللانشون البيتى بالصور ويعتبر اللانشون البيتى من الانواع المفضله جدا والمحبوبه وخاصه الاطفال واليكم اجمل واطعم طريقه لعمل اللانشون البيتى بالصور اتمنى ان ينال اعجابكم ورضاكم
المقادير : -
3 بيضات
3 جبنه مثلثات ( انا استعملت لافشكيري )
1 فص حبهان ( نقشره و ناخد البذور اللي جواه السودا )
3 ملاعق صغيره ثوم بودر ( وده بديل ل 3 فصوص ثوم بلا تقشير و ï»» ريحة ثوم في الايد )
1 ملعقه صغيره بصل بودر
2 مرقة دجاج ( هو المفروض 3 مكعبات بس انا بحط اتنين بس عشان بحس انه حادق شويه )
3 ملاعق كبيره دقيق
1/2 كوب زيت ذره ( يعني نص كوبايه )
1/2 ملعقة لون طعام أحمر بودر ( و دي طبعا عشان تدي لون اللانشون الجاهز بس لو مش عندك ممكن تستغني عنه مش مشكله )
حبه صغيره فلفل اسود حبات كامله مش مطحون ( و ممكن ده كمان تستغني عنه لو مش بتحبيه او عشان الاولاد الصغيرين )
1 ملعقه صغيره جيلاتين بودر ( و هي دي بقى التكايه اللي بقولكم عليها و ده بتشتريه من اي محل بتاع لوازم حلويات او من العطار )
و معلقة الجيلاتين البودر دي ندوبهم كويس في حبة مايه دافيه صغيره
# الطريقه :
بنحط كل المقادير دي مع بعض في الخلاط العادي و نخلطهم كويس جدا
نجيب كيس تلاجه و نحط فيه الخليط و نعقد الكيس من النحيتين
و نلف الكيس ده في ورقة فويل الومنيوم و نربط بردو الفويل من الجنبين زي البونبوني بحيث يكون عندنا شكل اسطواني زي شكل اللانشون الجاهز بالظبط
نكون محضرين حله فيها كمية مايه و حطينها على النار و المايه تكون بتغلي
و نحط فيها لفة الخليط اللي جوه كيس التلاجه اللي جوه الفويل و نغطي الحله و نسيبه كده على النار لمدة ساعه بالظبط
بعد كده طلعي اللفه و شيلي الفويل و شيلي كيس التلاجه حتلاقي اللانشون كده
و تسيبيه يبرد خالص و تحطيه في التلاجه يسقع حوالي 3 ساعات و بعدين طلعيه و ابدئي تقطعيه حتلاقيه بيتقطع بسهوله و طعمه ولا احلى و الف هنا و شفا
