طريقه عمل الشاورما من الفراخ البايته عندك "اكلات موفره" علي قد الايد والميزانيه

عندك فراخ مستويه وبايته مش عارفيه تعملي بيها ايه
عاوزه توفري في الاكلات
كان عندك عزومه واتبقي فراخ كتيره وخايفه تحمض او تبوظ
فرختك وسكنتك وتعالي ورايا عالمطبخ
هنجيب بصلتين ونبشرهم
2 طماطم
2 فلفل
بهارات
الفراخ بقا وهنقطعها نساير كده زي الشاورما
وهنعمل الطريقه بكل سهوله

طريقه عمل شاورما الفراخ

قطعتها صغير كده

هنحتاج 3 بصلات متوسطين



وكم وحدة فلفل الوان انا كان عندي احمر واخضر






و4 طماطم متوسطين ومقطعين انا بشرتهم بالمبشرة




وشوية زيت عافيه






التوابل كانت ملح وفلفل اسود وكاري ملعقه صغيره وبهارات ملعقه صغيره وشطه حسب الرغبه



نحط الزيت في صينيه عالنار عاليه وكمان البصل المبشور والفلفل المقطع والتوابل ونقلب قد 8 دقايق






ونحط الطماطم و عليهم الفراخ ونستمر في التقليب








نسيت اصورلكم الصينيه بعد ما استوت انا حطيتها عالشوايه في الفرن ولما طلعتها حفرت حفرة وسط الشاورمة في الصينيه وحطيت فيها قطعة فحمه مولعه علي ورق فويل وكتمت دخانها بغطاء وبعد خمس دقايق شيلت الغطاء والفحمه

والله طعمها وشكلها رووووووعه

يالا طبق كده عالماشي ومعاه سندوتشين لعيونكم