لكل زوارنا الكرام من خلال موقعنا نجوم مصريه ولكل عشاق الحلبسه النهارده جيبالكم طريقه سهله جدا لعمل حمص الشام وتعتبر الحلبسه من الاكلات المهمه والمفضله والمحبوبه جدا لدى المستهلك وخاصه فى فصل الشتاء واليكم اجمل واسهل طريقه لعمل حمص الشام
حمص الشام ( الحلبسة )
مكونات حمص الشام :
1/2 كيلو حمص الشام من عند محل البقاله
حبه 3 طماطم حمراء جدا بس طريه مش ناشفه
ليمون
ملح
كمون
شطة
5 فصوص توم كبيره
حبه بصله صغيره
طريقة تحضير حمص الشام :
جيبى حمص الشام ونقيه واغسليه كويس جدا وانقعيه فى الميه مده طويله يعنى مثلا من بالليل للصبح او من الصبح لبالليل بعد ما اتنقع خلاص كلى واحده وحسيتيها طريه طيب كده تمام تاخدى بقى الحمص بميه النقع بتاعته تنقليها فى حله اكبر وتزوديها ميه وترفعيها على النار وبعد ذلك تضربى الطماطم فى الخلاط وتضيفيها وتقطعى البصله اربع قطع وتحطيها (بس ياريت ماتخليش البصله مفصوله عن بعضها يعنى اربع بس ممسوكين من تحت ) وبعدين تهرسى الثوم وتحطيه وتحطى معلقه الكمون الكبيره كمان وبعدين تسيبيه يغلى على النار حوالى تلت ساعه تدوقيه تلاقيه استوى وطرى وتحطى الملح حسب تقديرك لحد ماتحسى ان ملحه اتظبط وبعدين تسيبيه يغلى 5 دقايق كمان وبعدين تحطى فى الكوبيات والليمون والشطه حسب الرغبه بس لكل فرد فى كوبايته .
