بسم الله الرحمن الرحيم
******************

بكل صراحة انا غير راضية عن مستوى التعليم فى مصر ، فأنا اعمل مدرسة فى المرحلة الابتدائية

و أرى ان نظام التعليم فى مصر لا يحقق أهدافه خصوصا بعد اعتماد نظام التقويم الشامل على

الانشطة و الاغرب هو تغير نظام التقويم الشامل نفسه بين حين و الاخر.

مش عارفة اذا كنت صح و لا غلط يا ترى رايكم ايه ؟؟؟؟؟؟؟؟؟

و كمان اولياء الامور فى المناطق النائية لا يهتمون بالتعليم ........ تخيلوا فى اول ايام الامتحانات

غابت بنت عن الامتحان و العامل يعرف بيتها و ركب عربية و اجرها مخصوص على حساب المدرسة

علشان يجيب البنت الامتحان .......... عارفين الاب قال ايه ؟؟؟؟؟؟؟؟؟؟؟

امتحان ؟؟؟ لالالالالا احنا مش فاضيين النهارده


(طبعا ده وش العامل لما سمع الكلام ده )

مش عارفة طيب لو هو مش مهتم بالتعليم قدم للبنت فى المدرسة ليه ؟؟؟؟؟؟؟؟

يا ترى رايكم ايه فى تصرف الاب ؟؟؟؟

مش عارفة الغلط فين ؟؟؟؟ من نظام التعليم ؟؟؟؟؟ و لا المدرس ؟؟؟؟؟ ولا اولياء الامور الذين جعلوا

التعليم شىء لا قيمة له ؟؟؟

يا ترى الغلط فييييييييييييييييين ؟؟؟؟؟؟؟؟؟؟؟؟؟؟؟؟

اخيرا موضوع هادف في المنتدى الجميل دا

بصي يا فاطمة انا مرة سألت المعيد سؤال خلاه يفكر اكتر من وقت السكشن وقالي في الاخر السؤال دا يحتاج لدراسة وافية

ومن وجهة نظري ان السؤال دا هو المحك الاساسي للتعليم

السؤال كان بيقول

هل التعليم هو تحصيل المعلومات ام تعليم الفرد كيفية الحصول على المعلومات ؟

لان في البلاد المتقدمة - مجازا - بيعلمو الافراد ازاي يحصل على المعلومة من مصادر مختلفة
اما عندنا فبيخلو الطالب يحط بوزة في كتاب عقيم يحصل منه المعلومات لغاية لما يكره نفسه ويكره المدرسة ويكره الدنيا كلها

دا غير وسائل التعليم العقيمة
وبرغم اني كنت بدرس في مدارس لغات ومن بعدها خاصة الى ان وصلت الى الثانوية العامة وكانت حكومة الا ان الفروق مش كتير في طريقة التعليم ونهم المدرسين لاستغلال الطلاب و تكريههم في نفسهم

وشكرا

كله بتنجان يا حبيبي

عقيم - وموش بس كدا اغلب الاساتذ المحترمين يهدفون الى الدروس الخصوصيه
واللىى مايخودشي عنده ياويله ووقعته السوداااااا

موضوع جميللللللللل جامد

الله فى عونك ....

أكتفى بكلمة واحدة

زباااااااااااااااااااااااااااااااااااااااااااااااا اااااااااااااااااااااااااااااااااااااااااااااالة

و أى حد يقول غير كدة ييجى يكلمنى

يا ترى الغلط فييييييييييييييييين ؟؟؟؟؟؟؟؟؟؟؟؟؟؟؟؟

الغلط فين
نتكلم جد بقى و لو حد خايف يخرج
بصو بقى
أولا الغلط فينا لية؟؟؟؟؟؟؟؟؟؟؟؟؟؟؟؟؟؟؟؟؟؟
عشان سامحين للوزراء يجربوا فينا ....... كل واحد دخل الوزارة فى دماغة أفكار فاكر ان هتخلى التعليم وردى يدخل يطبق ربعها و بعدين الريس ( حبيب قلبى من جوة ) يروح قايلة باى باى استغنينا عن خدماتك فيجيب واحد تانى يألف تأليفتين كدة على السريع و بعدين يمشية لغاية و الحمد لله ما جبلنا وزير تعليم ابن وزير داخلية يعنى اية هيخلى المدارس فللة و اى واحد ميسمعش الكلام على المعتقل عدل و طبعا هيرجع الضروب و ......... و ..................... ( ابن وزير داخلية بقى )
و الله الغلط مش غلط الوزير الغلط غلط اللى جاب الوزير
الوزير دة واحد غلبان قالولة تعالى امسك راح مسك علطول قالولة سيب راح ساب

[دا غير وسائل التعليم العقيمة
وبرغم اني كنت بدرس في مدارس لغات ومن بعدها خاصة الى ان وصلت الى الثانوية العامة وكانت حكومة الا ان الفروق مش كتير في طريقة التعليم ونهم المدرسين لاستغلال الطلاب و تكريههم في نفسهم


انا اتفق معاك فى ان التعليم يعتمد على الحفظ ............. بس حكاية الوسائل دى مش صحيحة لان الوسائل فى مدرستى مش عقيمة لسبب بسيط هو ان مفيش وسائل اصلا هههههههههههههههه
لكن احنا بنعمل وسائل بنفسنا ( لوحات )

اما عن الدروس فى الحقيقة مش كل المدرسين تسعى اليها و يا ريت تصدق ده احنا بنشتغل فى الحصة بضمير و نفسنا ان الطالب يفهم و نضيف له معلومة جديدة صحيح ان البعض بيجرى ورا الدروس لكن صدقونى مش كلنا و زى ما فيه اطباء و مهندسين بلا ضمير اعترف ان هناك بعض المدرسين بلا ضمير و لكن لا تنسوا هناك فئة تعمل بضمير و اخلاص

- وموش بس كدا اغلب الاساتذ المحترمين يهدفون الى الدروس الخصوصيه
واللىى مايخودشي عنده ياويله ووقعته السوداااااا


لا مش كلهم و الله مش بدى دروس خالص و بحب التلاميذ و كمان برفع فى درجات اعمال السنة علشان اساعدهم على النجاح

شوف بقى يا استاذ احمد رايك موضوعى جدا لان سياسة التعليم لازم يكون لها هدف قومى يهم المجتمع و بعد تحديد الاهداف تتحدد الطرق المناسبة لتحقيق الاهداف و فترة زمنية محددة لتحقيق هذه الاهداف .................. و يتم دراسة مدى النجاح فى تحقيق هذه الاهداف كل فترة و من ثم يتم تقويم هذه الطرق و تعديلها احنا فى مصر كل وزير بيضع خطة مميزة له بصمة واضحة عليها و كل الكلام التربوى فى التخطيط و نظم التعليم مش مهم المهم هو الالتزام بسياسة التعليم التى تفرض علينا دون مناقشة من التربوين فى مصر .

بس انا زعلت من كلمة زبالة

[دا غير وسائل التعليم العقيمة
وبرغم اني كنت بدرس في مدارس لغات ومن بعدها خاصة الى ان وصلت الى الثانوية العامة وكانت حكومة الا ان الفروق مش كتير في طريقة التعليم ونهم المدرسين لاستغلال الطلاب و تكريههم في نفسهم


انا اتفق معاك فى ان التعليم يعتمد على الحفظ ............. بس حكاية الوسائل دى مش صحيحة لان الوسائل فى مدرستى مش عقيمة لسبب بسيط هو ان مفيش وسائل اصلا هههههههههههههههه
لكن احنا بنعمل وسائل بنفسنا ( لوحات )

اما عن الدروس فى الحقيقة مش كل المدرسين تسعى اليها و يا ريت تصدق ده احنا بنشتغل فى الحصة بضمير و نفسنا ان الطالب يفهم و نضيف له معلومة جديدة صحيح ان البعض بيجرى ورا الدروس لكن صدقونى مش كلنا و زى ما فيه اطباء و مهندسين بلا ضمير اعترف ان هناك بعض المدرسين بلا ضمير و لكن لا تنسوا هناك فئة تعمل بضمير و اخلاص

لا لا متنكريش انك نفسك تدي دروس خصوصية والبلية تلعب معاكي وتئبي بقى على وش الدنيا