السلام عليكم ورحمة الله وبركاته

الملبن بالمكسرات

المقادير
2 كوب نشا.
2 كوب ماء.
2 كوب سكر.
مستكة.
معلقة صغيرة ماء ورد.
نصف كيلو عين جمل أو فستق أو أي مكسرات تحبيها.
نصف ملعقه فانليا.

الطريقة
1- احضري حلة وحطي فيها كوبايتين سكر والمية وارفعيها على النار.

2- ذوبي النشا في شوية مية، وسيبيها لغاية ما السكر والميه يوصلوا لدرجة الغليان، وبعد كده حطي عليهم النشا الدايبة في المية مع التقليب المستمر والسريع لمدة ربع ساعة.

3- بعد كده حطي كوبايتين السكر الباقيين عليهم، وافضلي قلبي جامد لغاية ما تلاقي شكلهم بقى عامل زي الكراميل بس فاتح شوية، وبعدين ضيفي عليهم المستكة والفانيليا وماء الورد.

4- أحضري حبل والضمي فيه المكسرات اللي عندك، واغمسيه في الخليط وطلعيه كذا مرة لحد ما الملبن يغطي المكسرات.

5-أحضري صينية مدهونة زيت وحطي فيها حبل الملبن وغطي الصينية، وسيبيها في الثلاجة لمدة يوم لحد ما الملبن يبقى متماسك مع بعضه.. وبالهنا والشفا.

مشكورة جدا وكل سنه وانت طيبة

وانتي طيبة يا جميلة ميرسي ليكي يا قمر

تسلم ايدك على الملبن الحلو ده مكنتش اعرف انك ماهرة فى عمل الحلويات كمان كنت بحسبك مبدعه بس فى موضيعك ولسه كمان اللى يعيش هيشوف تسلم ايدك يا قمرى