البلاتوه : محادثة ماسينجر لاتنين اتعرفوا انهاردة الصبح فى شات
هو : عارفة انك مختلفة كتير عن كل البنات اللى انا عرفتهم
هى : ازاى يعنى
هو : حاسس معاكى بحاجة مختلفة كأنى اعرفك من زمان اوى
هى : تصدق وانت كمان حاسة انى مشدودالك معرفش ليه
هو : نفسى اسمع صوتك اوى ممكن نتكلم على الموبايل
هى : لا مقدرش مينفعش انا عمرى ما عملت كده ابدا ( غالبا بتشتغله)
هو : انا عارف يا مشمشة بس بجد محتاج انى اعرفك اكتر انا ما صدقت لاقيتك
هى : طيب يا مشمش بس توعدنى انك تكون محترم وكويس
هو : اكيد اوعدك
هى : رقم الموبايل 00000000000 _____________________________________
المشهد التانى
بلاتوه : مكالمة موبايل
هو : انا مكنتش عارف انى صوتك حلو اوى كده قولى الو كمان
هى : ههههههه الله بقى متكسفنيش
هو : عارفة انى قلبى بيدق اوى وانا بسمع صوتك انتى تجننى
هى : انا كمان مبسوطة اوى
هو : انتى رومانسية ( سؤال غبى سخيف ملوش اى معنى )
هى : قول انت الاول
هو : بصى انا حاسس انى مبسوط اوى وانا بكلمك ومش عاوز اقفل خالص
هى : ميرسى
هو : ايه ميرسى دى انتى حاسة بايه ؟
هى : انا كمان مبسوطة يا مشمش
هو : انا خايف اقولها بس مش قادر امنع نفسى عنك
هى : ازاى يعنى متخوفنيش انت تقصد ايه
هو : مشمشة انا بحبك
هى : صمت
هو : الو الو انتى معايا روحتى فين
هى : ابدا معاك
هو : قوليها انا عاوز اسمعها منك
هى انا كمان بحبك يا مشمش
هو : انتى روح قلبى
هى : انت حياتى
هو : بموت فيكى
هى : بعشقك
وهكذا ولدت قصة الحب الرائعة والتى ستعيش لعدة ايام او ربما لعدة اسابيع ....
انه الحب فى زمن التوك توك
