المرة اللى فاتت طارق طلب من ابوة 40 جنيه علشان يشترى كتاب
وابوة ياعينى مش عارفين حصله ايه لما سمع كدا
تعالوا نشوف ايه اللى حصل مع طارق الشاب الروش
الوالد ( بصوت عالي) : كام ... أربعين جنيه .... ليه
طارق : يا بابا أنا مالى ... الكلية أسعارها غالية
الوالد : و أجيبلك منين الأربعين جنيه دول ان شاء الله ؟ إحنا فى آخر الشهر
طارق : أعمل إيه يا بابا....... أسقط يعنى ؟
الوالد : لا ... العفو ... و انت وش كده؟
طارق : أيوه سمعنى الكلام بتاعك ده كل مرة أقولك فيها على فلوس
الوالد : يابنى أربعين جنيه فى الكتاب كتير صَوَّرُه إعمل زيى عمرى ما اشتريت كتاب فى الجامعة
طارق : يابابا انت دبلوم تجارة أصلاً
الوالد : و لو ... عمرى ما اشتريت كتاب
طارق : و بعدين الدكتور منزل معاه ملزمة لازم نملاها و نرجعها له تانى ، و مانع التصوير
الوالد : الله يخرب بيتك على يخرب بيت الدكتور حجيبلك منين أربعين جنيه دلوقت
طارق : أمال بتصحينى ليه ؟ ما كنت تسيبنى نايم حاروح الجامعة أعمل إيه دلوقت
الأم ( كالعاده بتحاول تهدي ):
خلاص يا أبو طارق أنا معايا ثلاثين جنيه بتوع عدسة النظارة بتاعتى أصلحها الشهر الجاى و خلاص إديله عليهم عشرة جنيه و خليه
يشترى الكتاب
الوالد : ده كلام ؟ بقالك أربع شهور تأجلى فى النظارة و انت عارفة إن مفيش كتاب و لا حاجة
طارق : و المصحف الشريف و عزة جلال الله فيه كتاب
طلع الوالد من جيبه عشرة جنيه و مد إيده لطارق، قرب طارق من أبوه فيشم الوالد ريحة شعره فيقرف منه .
الوالد : إيه ده إنت ريحتك وحشة كدة ليه إنت حاطط سمنة فى راسك و لا إيه؟
طارق : سمنة إيه يا بابا.ده الجل بتاع الواد وائل بس طلع حمضان
الأم : شباب يا أبو طارق ... بكره ربنا يهديهم
الوالد : مش شايفة لا بس زى الرقاصة إزاى ؟
طارق ( بزهق ): هاتى ياماما الفلوس خلينى أخلص
الوالد : اسمع .... أما تيجى تورينى الكتاب أبو أربعين جنيه ده ... فاهم ؟
طارق : يحيينا و يحيك ربنا
بيصله الأب بزهق ،وفي نفس الوقت الأم بتضحك و تروح لأوضتها عشان تجيب بقية القلوس و طارق طاير وراها
دلوقتي بقى طلع وائل أخوه ولابس زي حالة طارق ، ورايح لوالده اللي كان ماسك كوباية الشاي ولسه هيشرب لقى وائل
وائل : بابا .... عاوز أربعين جنيه أشترى بيهم كتاب
مسكين وائل ... كوباية الشاي كانت سخنه أووووووووووي
هههههههههههههههههههههه
ياترى حصل ايه لوائل لما راح هو كمان يطلب من ابوة 40 جنيه
ان شاء الله هنعرف الحلقه الجــــايه
وابوة ياعينى مش عارفين حصله ايه لما سمع كدا
تعالوا نشوف ايه اللى حصل مع طارق الشاب الروش
الوالد ( بصوت عالي) : كام ... أربعين جنيه .... ليه
طارق : يا بابا أنا مالى ... الكلية أسعارها غالية
الوالد : و أجيبلك منين الأربعين جنيه دول ان شاء الله ؟ إحنا فى آخر الشهر
طارق : أعمل إيه يا بابا....... أسقط يعنى ؟
الوالد : لا ... العفو ... و انت وش كده؟
طارق : أيوه سمعنى الكلام بتاعك ده كل مرة أقولك فيها على فلوس
الوالد : يابنى أربعين جنيه فى الكتاب كتير صَوَّرُه إعمل زيى عمرى ما اشتريت كتاب فى الجامعة
طارق : يابابا انت دبلوم تجارة أصلاً
الوالد : و لو ... عمرى ما اشتريت كتاب
طارق : و بعدين الدكتور منزل معاه ملزمة لازم نملاها و نرجعها له تانى ، و مانع التصوير
الوالد : الله يخرب بيتك على يخرب بيت الدكتور حجيبلك منين أربعين جنيه دلوقت
طارق : أمال بتصحينى ليه ؟ ما كنت تسيبنى نايم حاروح الجامعة أعمل إيه دلوقت
الأم ( كالعاده بتحاول تهدي ):
خلاص يا أبو طارق أنا معايا ثلاثين جنيه بتوع عدسة النظارة بتاعتى أصلحها الشهر الجاى و خلاص إديله عليهم عشرة جنيه و خليه
يشترى الكتاب
الوالد : ده كلام ؟ بقالك أربع شهور تأجلى فى النظارة و انت عارفة إن مفيش كتاب و لا حاجة
طارق : و المصحف الشريف و عزة جلال الله فيه كتاب
طلع الوالد من جيبه عشرة جنيه و مد إيده لطارق، قرب طارق من أبوه فيشم الوالد ريحة شعره فيقرف منه .
الوالد : إيه ده إنت ريحتك وحشة كدة ليه إنت حاطط سمنة فى راسك و لا إيه؟
طارق : سمنة إيه يا بابا.ده الجل بتاع الواد وائل بس طلع حمضان
الأم : شباب يا أبو طارق ... بكره ربنا يهديهم
الوالد : مش شايفة لا بس زى الرقاصة إزاى ؟
طارق ( بزهق ): هاتى ياماما الفلوس خلينى أخلص
الوالد : اسمع .... أما تيجى تورينى الكتاب أبو أربعين جنيه ده ... فاهم ؟
طارق : يحيينا و يحيك ربنا
بيصله الأب بزهق ،وفي نفس الوقت الأم بتضحك و تروح لأوضتها عشان تجيب بقية القلوس و طارق طاير وراها
دلوقتي بقى طلع وائل أخوه ولابس زي حالة طارق ، ورايح لوالده اللي كان ماسك كوباية الشاي ولسه هيشرب لقى وائل
وائل : بابا .... عاوز أربعين جنيه أشترى بيهم كتاب
مسكين وائل ... كوباية الشاي كانت سخنه أووووووووووي
هههههههههههههههههههههه
ياترى حصل ايه لوائل لما راح هو كمان يطلب من ابوة 40 جنيه
ان شاء الله هنعرف الحلقه الجــــايه
