اقولك عملت ايه بعد محاولات سنين
- افرمي اللحمة في البيت اضمن وحطى على الكيلو ربع كيلو دهنة وياسلام لو كانت من اللية
- ابشرى البصل ع المبشرة واعصريه يعنى خدى التفل للكفتة وسيبى مية البصل هنعوزها
- حطى على اللحمةوتفل البصل شوية خضرةصغيرين مش كتيروملح وفلفل وبهارات
- متحطيش حاجةتانى زى ماكنت باخترع زمان بقسماط وبيضةو... لالالا هو بصل وملح وفلفل وبس
- واخلطى الكفتة وصبعيها وفرديها على صنية تحت المروحة لماتنشف وتشدحيلها شوية
- بعدكده هاتى الأسياخ وحطى 1 أو2 أو3 حسب طول السيخ اللى عندك وبططيها شوية ع السيخ عشان ماتفكش منك وبرضه سيبيهم مفردين ماتحطيش فوق بعض
- وحطى على شواية الفحم هو ده اللى بيديها طعم الحاتى انما ف الفرن او على الشواية الكهربا طعم تانى خالص ولو مكسلة اعملى ف الفرن وحطى ورقة فويل فيها شوية زيت واطفى فيها فحمة وغطى عليها عشان تاخد م الريحةهتكون حلوة برضه بس مش زى التانية
- حطيتى ع الشواية نيجى لميةالبصل حطيلهامعلقة صلصة طماطم ودوبى مع شويةملح وفلفل صغننين
- وكل شويةادهنى الكفتةبفرشاةم الخليط ده وهى ع النار
- قلبى الكفتة علاطول عشان بتتحرق بسرعة
- ووفرى تمن الكفتة الجاهزة
- هتلاقى جوزك وولادك ياكلوا ويعملواكده
- وادعيلى وقيميلى احسن اعيط
