لحمة مفرومة
بصلة مبشورة ناعم
ملح وفلفل اسود
بهارات لحمة
رشة جنزبيل
وبابريكا
معلقة او اتنين بقسماط ناعم
ولو حابة تضيفى بقدونس
بيض مسلوق
التحضير:
هنبشر البصل ونضعه فى مصفاة وعليه رشة ملح
علشان يصفى ميته
للاسف مش صورة الخطوة دى
وبعدين اعصره واضيفه عاللحمة وباقى البهارات
واعجن الكفته حتى تتجانس مكوناتها
وبكده الكفته تكون خلصت
وفالوقت ده اكون حاطه بيض يتسلق عالنار
وبعد ماتسلق نقشره
ونبدأ بقى الشغل بتاعنا
افرد ورقة فويل عالرخامه وادهنها زيت زيتون
وافرد عليها الكفتة بالشكل ده
وارص عليها البيض المسلوق
والفها بالراحه خالص رول
واغلفها بالفويل كويس
الطبخ:
واسخن الجريل بتاعتى كويس واكون داهناها زيت علشان مش تتحرق
وانزل عليها رول الكفتة
واعملها صدمة من كل الجهات علشان تمسك كويس
بعدين ادخلها الفرن تكمل سواها
وقبل السوى اولع فحمة عالنار واحطها مع الكفتة
وعليها معلقة زيت
واقفل الفرن عليها على طول
وبعد ماتخرج نسيبها تهدى شوية وبعدين نقطعها
علشان مش تتهرى منكو