اللى تعجبها الطريقه تقيم الموضوع وتدعيلى دعوه حلوه
ماشى يا حلوين
واللى مش هاتدعيلى بقى مش هادوقها الكبده بتاعتى ماشى
يالا نبتدى
اول حاجه هانجيب الكبده ونقطعها قطع صغيره او شرائح تبع ما تحبى
وبعدين هانجيب الطاسه اللى هانعملها فيها ونحط فيها شويه زيت وبعدين نحط الكبده ونشوحها على النار لغايه لما نلاقى لونها اتغير
وبعدين نقوم حاطين عليها شويه فلفل سود ناعم اووووووووىونعصر عليها ليمونه كبيرةعلشان ما تبقاش مزفره
وبعدين يا حلوين نحط عليها كوباية ميه ونغطيها ونوطى عليها النار لغايه لما تستوى
ودى صورتها
وعلى ما تستوى اكون مجهزة طماطم وبصل وفلفل مقطعنهم شرايح
وبعدين يا قمرات لما نتأكد ان الكبده استوت نضيف عليها البصل اللى احنا مقطعينه وفصين ثوم متقطعين ونسيبهم على النار شويه لغايه لما البصل يستوى وبعدين هانضيف الفلفل ونقلب شويه وبعدين نضيف الطماطم ونقلب
وكده الكبده تكون جهزت
وتاكلوها مع طبق البطاطس ده
الجديد بقى اهو
ممكن تعملو كريب الكبده بالطريقه دى
مقادير الكريب :-
كوبايتين دقيق _كوب لبن _كوب ماء _بيضتين _ذره ملح
الطريقه :-
هانجيب المقادير دى كلها ونحطها فى الخلاط ونكون مجهزين طاسه تيفال ونسخنها على النار ونحط فيها كبشه من الخليط ده ونفردها كويس ونسيبها على النار لغايه لما تستوى وبعدين نقلبها
ودى صورتها
ونكون مجهزين الحشوه اللى هى الكبده والبطاطس الشيبس والخس
ونحط الحشوه زى كده
وبعدين نطبقها على بعضها اثنين كده
وبعدين نحطها فى الطاسه علشان نقرمشها من بره وهاتبقى فى النهايه كده
ها ايه رايكم بقى
عايزه اشوف ردودكم الحلوه
واللى يعجبه الموضوع يقيمه ويدعيلى دعوه حلوه
واللى ما يعجبوش الموضوع يقيمه برضه ماشى
ههههههههههههههههههههههههههههههههه
واللى هايدخل من غير ما يدعيلى دعوه حلوه هاعمله كده
والحلوه اللى هاتدعيلى هاتاخد التورتايه دى هديه
وهاديلها طبق تدوقه وتقولنا ايه رايها
يالا مين اول واحده