ستروجانوف اللحمة
المقادير:
½ كيلو لحمة فيليه مقطّعة شرائح طولية
بصلة متوسطة الحجم مقطّعة شرائح رفيعة
كوب مشروم طازج أو معلب مقطع شرائح رفيعة
½ كوب كريمة حامضة (هتلاقيها في السوبر ماركت)
ملعقة كبيرة فلفل أحمر مطحون
2 ملعقة كبيرة زيت ذرة
كوب كبير شوربة لحمة
ملعقة كبيرة مستردة
2 ملعقة كبيرة زبدة
ملح وفلفل أسود
الطريقة:
1- تبّلي اللحمة بالملح والفلفل الأسود والفلفل الأحمر المطحون، وسيبيها لمدة نصف ساعة.
2- سخّني الزيت على نار هادية، وحمّري اللحمة في الزيت من جميع الجوانب لمدة ربع ساعة، بعد كده شيليها وحطّيها في طبق على جنب.
3- هاتي طاسة تانية وسيّحي فيها الزبدة، وضيفي عليها البصل وقلّبيها لمدة 10 دقائق، بعد كده ضيفي عليه المشروم، وقلبيهم كلهم مع بعض لغاية ما تلاقي إن المشروم بقى لونه دهبي.
4- ضيفي الشوربة للخليط السابق وسيبيه على النار لمدة 10 دقائق، وبعد كده ضيفي المستردة والملح والفلفل الأسود وشرائح اللحمة، وسيبيهم على النار لمدة ربع ساعة أو لغاية ما تلاقي إن اللحمة استوت.
5- حطّي اللحمة في طبق التقديم وزيّنيها بالبقدونس المفروم.. وبألف هنا وشفا.