السلام عليكم ورحمه الله و بركاته
طبعا كلنا بنشتغل و كتير بنحتاج نعمل اكلات سريعة ما تاخد وقت كتير في اعدادها
و احسن حاجه هي طبق الكفتة و المكرونة اللي الكل بيحبه ..
تعالوا بقي اقولكم علي اسراري في اعداد المكرونة و الكفتة بسرعة علشان الحق زوجي و اولادي و هما جعانين جدا
اول حاجه انا لما بجيب اللحمة المفرومة من عند الجزار بتبل الكمية كلها بالبصل و الفلفل الاسود و البهارات و لو عاوزة تحطي برغل حسب رغبتك ...
و بعد كده اعملها صوابع او كرات و اشيلها في اكياس ...
المهم اني بعد كده بقسمها علي اكياس و احطها في الفريزر و لما احب اعمل كفتة اطلع الكيس الصبح قبل ما انزل الشغل و يكون جاهز علي التسوية علي طول ...
كمان المكرونة الاسباجيتي انا بسلقها و بحطها في كيس بلاستيك بتكون جاهزة لاعمل لها الصوص بتاعها و في دقائق تكون جاهزة للاكل ....
و ادي السلطة الخضراء اللي بيحبها الاولاد و دائما اعملها علشان قيمتها الغذائية العالية ...
و بكده في خلال خمس دقائق ممكن اعمل وجبة سخنه و لذيذة لزوجي و اولادي و بدون اي مجهود ...
و كمان الكل يشهد بشطارتك اكيييد
دا رابط وصفتي و من مطبخي لعيونكم
مع تحياتي و حبي
همسه احمد