انا جاية انهارده وجايبة لكم معايا سلطة الطحينة من مطبخى انما ايه
بصى يا ستى هاتى فصين ثوم وكمان معلقة كبيرة زيت ومعلقة خل وطحينة
والتكة بتاعتى هاتى معلقة زبادى كبيرة وشوية بابريكا واكيد الملح والفلفل
اخلطى الملح والفلفل وكمان البابريكا والزيت والخل
وبعدين ضيفى الزبادى وكمان الطحينة وقلبيهم وطبعا بتتخن اوى ضيفى الماية شوية شوية
لحد ما توصلى للقوام اللى بتحبيه بس نصيحة متخففيهاش اوى ومتقليهاش اوى لانها بتتخن كل اما بتقعد خصوصا فى التلاجة وكلى احلى سلطة طحينة
ومتنسوس تدعوا لى ان ربنا يبارك لى