طريقة عمل الطراطور (سلطة الطحينه)

السلام عليكم .... بسم الله النهارده يا جماعه انا جايه وجيبالكوا اكله لذيذه جدا وشهيه ومفيده كمان للاطفال والزوج كمان هيحبها الاكله دى من اكلاتى المفضله انتو كمان هتحبوها واللى مبتعرفش تطبخ هتبقى سهله عليها ومش هتبقى اخر مره تدخل فيها المطبخ وتبقى طريقه حلوه اننا نساعدك على دخول المطبخ وتعلم الطبيخ بصوا بقى يا بناويت احنا مقاديرنا مش غاليه وفى مقدرة اى وحده تجيبها وتقدمي اشهى وألذ المأكولات واكلتنا النهارده عباره عن طحينه وطماطم وبقدونس يلا بقى يا بناويت نحضر غدانا النهارده وانا هحاول اشرحلكوا بالتفصيل بس بقى على قدى وان شاء الله تعملوها كويس بس راعوا عدد الافراد والمقادير يلا بقى استعدوا

المقادير :-

نص كوب طحينه
ملح و فلفل اسود
طماطم وبقدونس مفرى حسب الرغبه
4 فصوص ثوم ناعم
عصير الليمون حسب الرغبه
ماء للتخفيف حسب الرغبه

الطريقه :-

- توضع الطحينه مع عصير الليمون وتدعك تماما
- يضاف الملح والفلفل والثوم
- عند رؤية الخليط سميك يضاف قليل من الماء الدافئ لتخفيف سمكها حسب الرغبه
- يضاف الطماطم المقطعه صغيره والبقدونس المفرى وتقدم