حصريا طبعا ولمنتديات نجوم مصرية فقط ومن مطبخى الخاص جبتلكم طريقة عمل عجينة الطعمية
الطعمية طبعا من الاكلات المصرية المشهورة حدا معروفة فى مصر والسودان باسم لطعمية وفى البلاد العربية باسم الفلافل
وفى اليمن بيقولوا عنها الباجية عادة بتتعمل من انواع البقوليات المختلفة واشهرها الفول او الحمص
وهيا مشهورة فى مصر عندنا بالفول المنقوع
بنشتريها دايما مع طبق الفول اللذيذ وهما اكلتان دايما بيبقوا مع بعض (الفول والطعمية)
ندخا فى الموضوع على طول ونبتدى بالمقادير
زى مانتم شايفين
فول مقشر ومنقوع لمدة ليله كاملة ولازم نبقى نغير المية عليه حوالى اربع مرات
وكمان شب وكسبرة وكرات مغسولين كويس ومتصفين من المية ومتقطعين اى تقطيع لان احنا كدا كدا هنفرمهم
هنحتاج ملح وفلفل وكمون وكسبرة ناشفة وبيكربوناتوا لو ملقتيش ممكن بيكنج بودر
وبصلة كبيرة وكام فص توم كبار وحلوين
وسمسم لما تيجى تحمريها
نيجى للطريقة
هنفرم الفول الاول كويس اوى
وبعدين نفرم الخضرة كويس اوى مع البصل والتوم
وبعدين نرجع الفول معاهم ونضيف الملح وكل التوابل بتاعتنا ونرجع نفرمهم مع بعض كويس اوى
دا شكلها النهائى بس هيا هنا الخضرة طلعت كتير اوى على الفول انتوا بقى تتفادوا الخطأ دا
وطبعا بتحمروها وتاكلوها بالف هنا وشفا او ممكن تعينوها فى الفريزر لحين استخدامها زى ما انا عملت
وبالف هنا وشفا