الى كل اخواتى واعزائى اعضاء وزوار منتدى نجوم مصريه والى كل حبيبين الفراخ النهارده جايب لكم طريقه عمل صينية الفراخ بالبطاطس وتعتبر هذه الاكله من الاكلات المحبوبه والمفضله واليكم اجمل واطعم طريقه لعمل صينيه الفراخ بالبطاطس فى الفرن وبخطوات بسيطه وسهله
المكونات
1/فرخة هتقطعيها اربع او ست قطع واللى تجبيه
3 /حبات بطاطس متوسطة الحجم
2/حبة كوسة
2/ بصلتين متوسطة الحجم
2/حبة فلفل اخضر
معلقة سمنة كبيرة
وطبعا الملح والبهارات
وعصير الطماطم
الطريقة
هنكون مقطعين المكونات دى حلقات (شرايح) وهنجيب الصينية ونفرش فيها البطاطس والكوسةوكمية من البصل والفلفل وعليهم شوية توابل ونرص عيهم قطع الفراخ ونحط باقى التوابل والبصل والفلفل وقطعت عليها حباية طماطم وحطيت عصير الطماطم ومعلقة السمن وبعدين خليها تغلى على البوتجاز الاول ودخليها الفرن ويكون حامى ولما تستوى ويحمر الوش طلعيها
وقدميها سخنة مع الرز الأبيض
وبألف هنا