انتي بجد هاتستغربي لان الملوخيه لما بتقعد لتاني يوم ممكن لونها يتغير وكمان طعمها فهتقوليلي ازاي تتخزن في الفريزر وكمان لونها مايتغيرش وكمان قوامها, انا هاقولك بقا ازاي؟
هاتشتري الملوخيه وطبعا يبقى ورقها حلو مش دايب وتقرطفيها وتغسليها وبعدين تجيبي حلة فيها ميه وتحطيها عالنار ولما تغلي الميه تضيفي ليها ملعقة كبيره" بيكنج صودا او بيكربونات" ودي طبعا هاتشتريها من عند العطار, وبعدين تحطي الملوخيه وتقلبي بسرعه لمده نص دقيقه مش اكتروبعدين طلعيها وحطيها في مصفه وتغسليها بالميه وتسيبيها تتصفى لمدة دقيقتين, وبعدين تجيبي الكبه واضربي الملوخية فيها, وهاتي اكياس وحطي في كل كيس كمية معقوله على حسب كل طبخه وتحطيها في الفريزر, وبكده مش هاتقلقي لو عندك كميه ملوخيه اشترتيها ومش عارفه تعملي بيها ايه, يارب تكون الفكره عجبتكم وياريت تجربوها لانها سهله وبسيطه.