جبتلكم طريقتها ويارب تكون سهلة عليكم وتجربوها وتعجبكم وانا كمان ان شاء الله هجربها قريب واعملهالكم حصري ليكم نخش فى الموضوع على طول
المقادير
3كوب دقيق
تلات ارباع كوب زبدة
خميرة
بيضة
كوب زبادى
رشة ملح ورشة سكر
كوب لبن
طبعا المقادير دى هتبقى اطعم واحسن من المولتو
اولا لانها مضمونة ثانيا لان المولتو اكيد مش بيحطو لبن او زبادى دا مية واعجن واقلب
المهم نيجى للطريقة
هنعجن عجينة هتكون لينة طبعا ونسيبها ترتاح وتتخمر فى مكان دافى مش هنستخدم الزبدة كلها هنستخدم نص وسيب الربع
بعد ما العجينة تكون خمرت هنقطعها اجزاء عشان نعرف نستخدمها ونفردها عادى وندهنا زبدةة ونعجنها تانى ونسيبها على جمب لحد ما نخلص باقى الاجزاء كلها وبعدين نفردها تانى ونقطعها على شكل مثلثات ونحشيها الحشوة الى عاوزينها جبنة او مربى
ونلفها الاول من عند الجنب العريضعلى شكل المولتو ونرص فى الصينية وبعدين نسيبها شوية قبل ما تدخل الفرن حوالى نص ساعة
وبعدين ندهن الوش شوية لبن مع زيت
وهتبقى احلى واطعم مولتو
