النهارده هنتكلم عن طريقة سهله وبسيطة جدا لعمل القهوة بوش طبعا الموضوع فى مجمله يبان ان الكلام بسيط بس للاسف مش كل البنات ولا ستات البيوت بيطلع القهوة بوش بطريقة مظبوطة وباحترافية هنشوف مع بعض الطريقة الساهله والبسيطة والمجربة بالفعل لعمل القهوة بوش والحفاظ على شكل الوش اثناء تقديمه .
المقادير : - بسيطة جدا "2 معلقة صغيره مليانه بن للاخر" - "السكر ده حالات حسب رغبة اللى هيشرب" - فنجان نضيف ميكونش فيه ولا نقطة ميه الكلام ده مهم
طبعا زى ما قولنا ان السكر ده حالات :
1- على الريحة يبقى تحطى نص معلقة صغيره سكر
2- مظبوطة معلقة صغيرة مليانة سكر
3- مانو معلقة صغيرة مليانة سكر ونص معلقة مش مليان
4- زياده معلقتين ونص سكر
طريقة التحضير
1- تجيبى كنكه القهوة وتكون نضيفة وتحطى فيها معلقتين البن اللى قولنا عليهم ومتنسيش يكونوا مليانين على الاخر وتحطى كمان السكر على حسب نوع القهوة زى ما قولنا فوق
2- الافضل ف وضع الميه فى الكنكه ان الميه تكون على البارد وان مقدار الميه يكون بالفنجان يعنى لو هتعملى فنجان حطى الميه البارده فى الفنجان وبعدين حطى فى الكنكه بس نزلى الميه بالراحه فى الكنكه وقلبى بالمعلقة المكونات او انك تحطى الكنكه تحت الحنفيه وتنزلى من الحنفيه المية بطريقة قليله مش دفعه وحده علشان تقلبى لمكونات كويس .
3- تحطى الكنكه على ناااااااار هااااااااااااااديه جدا جدا زى كده
شكل الكنكه اللى فيها القهوة بعد ما تقلبت واتحطيت على النار كده
4- هى وعلى الناس قلبيه بالراحه بعد بنص دقيقة وهتلاقيها واستمرى فى التقليب علشان القهوة متعملش الوش بسرعه ومتكونش استويت ومتقلقيش الوش مش هيروح ده يبقى اسمك من الاول واول ما تلاقى الوش بدا يظهر من الجناب زى كده
5- اول م تشوفى الوش ظهر بالجناب وقفى تقليب علشان ميبوظش
اخر حاجة زى ما قولنا انك بتكون محضره الفنجان ويكون نضيف مفيهوش ولا نقطة ميه زى كده
وانتى بتصبى القهوة خلى الوش ينزل من الجناب وده الشكل وانتى بتصبى
وفى النهايه ده شكل القهوة بوش
دمتم بود