بسم الله الرحمن الرحيم
السلام عليكم ورحمه الله وبركاته
الى كل اخواتى وحبايبى الحلوين اعضاء وزوار منتدى نجوم مصريه النهارده اختكم وحبيبتكم العسولة داليا جيبالكم من مطبخى تحفه وسهله جدا لعمل الفراخ المشوية مع سلطة البطاطس والمكرونة الاسباجتي وتعتبر الفراخ من الاكلات المحبوبه والمفضله لدى الكبار والصغار واليكم اجمل واطعم طريقه لعمل الفراخ المشويه مع سلطه البطاطس والمكرونه الاسباجتى اتمنى ان تنال اعجابكم ورضاكم
~ فراخ مشوية مع سلطة البطاطس والمكرونة الاسباجتي~
المكونات
قطع فراخ حسب الرغبة
1-بطاطس
1-جزر
1-طماطم
بصل وفلفل اسود وبهارات
صلصلة طماطم
بصل اخضر
معلقة مايونيز
الطريقه
1- نسلق الفراخ نص سلقة في مية سخنة مع البطاطس والجزر والطماطم والبصل والبهارات .
2-بعد نص ساعة نطلع الفراخ والبطاطس والجزر
ونرصهم في صينية ونرش عليهم ملح وبهارات وصلصة الطماطم وندخلهم الفرن مع شوية شوربة صغيرين.
3-لما تستوي الفراخ وتتحمر من ناحية نقلبها على الناحية التانية عشان تتحمر .
4-بعد تمام التسوية هنطلع البطاطس والجزر ونهرسهم كويس ونقطع بصل اخضر قطع صغيرة ونقلبه مع البطاطس ونضيف معلقة مايونيز وبهارات وشطة .
البطاطس دة اول مرة اعملها بس عجبتني اوي لانها واخدة من طعم الفراخ والشوي في الفرن جربوها هتعجبكم وهي مناسبة للمشاوي أوي.
اخر حاجة هنقدم الفراخ مع سلطة البطاطس ومكرونة اسباجيتي ودة طريقتها سهلة مش محتاجة شرح وبألف هنا
