نجوم مصرية
منتديات نجوم مصرية منتديات شباب وبنات بنات طبخ و وصفات



تابع نجوم مصرية على أخبار جوجل




طريقه عمل قرنبيط كرسيبى وسلطه طحينه سهله جدا من مطبخى - بالصور والخطوات اسهل واجمل واطعم طريقه لعمل القرنبيط الكرسيبى

 

تابع نجوم مصرية على أخبار جوجل


بسم الله الرحمن الرحيم
السلام عليكم ورحمه الله وبركاته



الى كل اخواتى وحبايبى الحلوين اعضاء وزوار منتدى نجوم مصريه والى كل عشاق القرنبيط النهارده اختكم وحبيبتكم العسوله داليا جيبالكم طريقه روعه لعمل قرنبيط كرسبي لذيذ ومقرمش ويعتبر القرنبيط من الاكلات الشتويه المفضله والمحبوبه طبعا انا عارفة انكم اساتذة فيه عشان كده دايما وانا بسلقه باخد نصف حزمة البقدونس مع معلقة صغيرة كمون وملح لان البقدونس بيمتص الغازات الموجودة في القرنبيط وبتسبب انتفاخ واليكم اجمل واسهل واسرع طريقه لعمل القرنبيط كرسبى بالخطوات والصور من مطبخى وكمان طريقه عمل سلطه طحينه سهله جدا يارب تنال اعجابكم ورضاكم






اول حاجة بسلقه من 7 ل 10 دقايق مع البقدونس والكمون وملح




وطبعا التتبيلة العادية
ملح وفلفل وربع معلقة كمون +4 فص توم كبير +1 طماطم صغيرة +فلفل احمر رومي

4 معالق دقيق +رشة زعتر + خضرة بقدونس وشبت وكزبرة

+4 بيض وماء قليل للخلط اقل من ربع كوب


كل ده بنطحنه في الخلاط ما عدا الخضرة بنضيفها اخر حاجة

بعد طحن المكونات بضيف الخضرة المقطعة كده



وطبعا نضع القرنبيط فيها نصف ساعة



ده بقي عيش فينو عادي طحنته في الكبة خشن شوية مش ناعم

وبعد كده بدخله الفرن ينشف ربع ساعه

مش بحمصه بنشفه فقط كده وبضيف له رشة ملح وفلفل وزعتر وقرفة او بهارات وشطه عشان الطعم



وهنا نصفي القرنبيط كويس من الخلطة

عشان ما يعجنش من جوه تصفوه من الخلطة كويس

واغلف القرنبيط بالبقسماط كده





وممكن ببقسماط جاهز زي ده



بعد التغليف كويس جدا بالبقسماط ندخله الفريزر

اقل حاجة نصف ساعة او ساعة يتماسك



وده شكله بعد التحمير لان الفينو خشن

كان بيقرمش جدااااااا



قدمته مع بطاطس وسلطة طحينة



طريقة سلطة الطحينة السريعة

ربع كوب طحينة +1/8 كوب ماء ساخن +معلقة خل كبيرة +ليمونة

ربع معلقة كمون +ملح حسب الرغبة +2 فص ثوم مبشور


انا بستعمل دايما ماء ساخن مع الخل لفك الطحينة وهتلاقوها فكت بسرعة ومفيش كتل فيها
نضع الطحينة +الثوم +الخل +الماء الساخن ونقلب

لاحظوا انها فكت بسرعة



وطبعا الكمون والليمون والملح وممكن شطة



وتقدم مع رشة شطة وزيت زيتون وكمون















المقال "طريقه عمل قرنبيط كرسيبى وسلطه طحينه سهله جدا من مطبخى - بالصور والخطوات اسهل واجمل واطعم طريقه لعمل القرنبيط الكرسيبى" نشر بواسطة: بتاريخ:



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
طريقه جديده لعمل القرنبيط تحفه -اسهل واجمل عمل قرنبيط - طريقه رووووعه لعمل القرنبيط
بالصور والخطوات اطعم طريقه لعمل القرنبيط باللحمه المفرومه- طريقه عمل قرنبيط روووووعه
بالصور والخطوات اطعم طريقه لعمل صينيه القرنبيط( الزهرة) باللحمه المفرومه فى الفرن من مطبخى الخاص- طريقه قرنبيط تحفه
بالصور والخطوات اجمل واسهل طريقه لعمل القرنبيط من مطبخى - طريقه جميله ولذيذه جدا لعمل القرنبيط

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية