بسم الله الرحمن الرحيم
السلام عليكم ورحمه الله وبركاته
اهلا وسهلا بكل الاعضاء وزوار منتدى نجوم مصريه الكرام والى كل حبيبين البرجر النهارده اختكم وحبيبتكم العسولة داليا جيبالكم طريقه عمل البرجر البيتى من مطبخى بخطوات سهله وبسيطه واليكم اجمل واطعم طريقه لعمل البرجر
برجر الفراخ بالخضراوات
المكونات
2 كوب صدور فراخ مفرومة
بهارات مشكلة حسب الرغبة
حزمة بقدونس مفروم
2 ثمرة جزر مفروم
بصلة صغيرة مفرومة
فص ثوم مهروس
ملعقة ملح صغيرة
ملعقة كبيرة زيت
2 بيضة
طريقة التحضير
1- اخلطي الجزر والبصل والبقدونس مع بعضهم كويس جدا، وضيفي عليهم البيض والملح والبهارات والفراخ والثوم، واخلطيهم كويس لحد ما يكونوا عجينة متماسكة شوية.
2- شكلي العجينة على شكل أقراص، وحطيهم في صينية مدهونة بالزيت، ودخليها الفرن على درجة حرارة 180، وسيبيها لمدة 45 دقيقة.
3- هاتي العيش أو التوست اللي هتعملي فيه الساندويتشات، وحطي فيه البرجر، وممكن تضيفي عليه كاتشب أو مايونيز أو مستردة على حسب رغبتك.. وبالهنا والشفا.