انهاردة جيت ومعايا الكبير الكبيييير اوووووى الى هو محشى الكومب المفضل تقريبا لدى جميع المصريين وهو من الاكلات المصرية الاصيلة الموجودة فى جميع محافظات مصر وكل ست بيت ليها محشى مختلف عن التانية وكل طعم بيختلف لكن فى النهاية هو اكلة رئيسية مصرية فى العزومات والاعياد ورمضان وخلافه من ايام السنة
المقادير
وق كرنب يكون مسلوق ومتقطع مستطيلات قد بعضها
رز
شبت وكسبرة وبقدونس مفرومين طبعا
عصير طماطم
توم مفروم
بصلتين كبار مفرومين
زيت او سمنة
شوربة
البهارات
ملح وفلفل وكسبرة ناشفة ورشة قرفة وبهارات محشى
الطريقة
فى حلة نضع السمنة او الزيت ونحمر البصلة مع التومة وبعدين نضيف الطماطم ونسيبها تتسبك كويس اوى وفى الاخر نضع الخضرة الى فرمناها ونطفى النار وبعدين نضيف كل البهارات على الرز ونضيفه على الصلصة ونقلب ونحشى الورق ونجيب الحلة بتاعتنا وندهنها زيت ونحط الورق الاخضر بتاع الكرومب وعيدان الخضرة الى فوق الى قطعنها منها وبصله شرايح وطماطماية وبعدين نبتدى نلف ونرصهم فى الحلة بشكل منظم وكويس وبعدين نجيب طبق تقيل ونقلبة على وش ا لحلة ونضيف الشوربة ونسيبه على النار يستورى
طبعا بنعلى النار واول ما الشوربة تتشرب وينشف نهدى النار لحد ما يكمل السوا وبالف هنا وشفا احلى محشى مصرى