كل عام وانتم بخير انهاردة يمكن موضوعى رقم عشرتاشر عن البيتزا وبرضه مش هبطل بيتزا
انهاردة البيتزا مختلفة شوية انا عملتهلكم قبل كدا بالمفروم والتونة وبالجبنة وكمان فيديوهات بحشوات اخرى انهاردة عملتها بحاجة مختلفة شوية انهاردة البيتزا ب"الفراخ والفلفل الحار"بجد تحفة وانا بقولكم كدا عشان انا جربتها وصورتهالكم انا بصارحة مقدرتش اصو الخطوات لكن دى صورتها بعد ما خلصت
المقادير
"العجينة "
دقيق
معلقة صغيرة سكر
معلقة صغيرة ملح
بيضة
نصف كوب لبن دافئ او زبادى بتبقى احلى
ماء دافئ للعجن
فلفل اسمر للبيضة
توم بودر وبصل بودر
معلقة خميرة كبيرة
تلات ملاعق كبيرة زيت زيتون
معلقة بينكج بودر
"الصوص"
تلات معالق كبار بيوريه صلصة
معلقة كبيرة كاتشب حار او عادى
وفصين توم مهروسين
ملح وفلفل
"الحشوة "
فلفل حلقات
طماطم حلقات
فلفل حار حلقات
جبنة موتزاريلا
زيتون مخلى ومقطع
وقطع الفراخ مشوحينها مع فلفل حار وبصل جوانح وبهار فراخ وملح وفلفل
نيجى لطريقة العمل عجنا العجينة طبعا
بنخل الدقيق مع البينج بودر واضفله الملح وتوم البودر والبصل البودر لو موجود لو مش موجود بلاش
وبعدين اضيف الزيت وافرك العجينة شوية بايدى لحد ما احس ان الزيت اختلط كويس مع كله واخفق البيضه مع الفلفل الاسود واعمل حفرة فى العجين واضيفها وابتدى برضه اوزعها مع الدقيق كله كويس واضيف الزبادى او اللبن مع شوية ماء دافئ والخميرة والسكر واقلبهم وابتدى اضيفه للعجين واحدة واحدة مع العجن لحد ما العجينة تبقى حلوة فى ايدى وملساء كدا واغطيها بفوطة نضيفة واسيبها لمدة ساعة او ساعة ونص تتخمر كويس
عما العجينة تخمر بشوح الفراخ بتاعتى فى الزيت كويس وبعدين اضيفلها البصل والفلفل الحار وبعدين اضيف الملح والفلفل وبهار الفراخ
واعمل الصوص ازاى بقن هجيب التوم واشوحه كويس لحد ما يبقى دهبى مش محروق طبعا ريحته تطلع واول ما يغير لون اضيف الصلصة والكاتشب وتلات معالق مية واقلبة واسيبه لما المية تنشف ويكون اسبك مع بعضه واسيبه يبرد
وبعدين لما العجينة تخمر بفردها واحطها فى الصينية واضيف عليها الموكونات بتاعتى كلها وفى الاخر الجبنة واحطها فى الفرن لمدة تلت ساعة واشغل الشواية من فوق للجبنة تسيح وبالف هنا احلى بيتزا بالفلفل الحار
جربوها وهتدعولى انا متأكدة
