المكرونة سلقتها عادي خالص بس زودت لمية السلق نص معلقة كركم وبعدا تتسلق هتحطي بحلة حتة زبدة كويسة وتقلبي فيها المكرونة وتنزلي عليها الصص بتاع الفراخ
الفراخ
هتبلي الفراخ عادي وتخديها لون بالطاسة الجيريل وتقطعيها قطع بحجم عقلتين وتشليها بطبق وبعدين تكوني مقطعة بصل وفلفل الوان او اخضر بس حسب اللي عندك وتخديه لون شوي بالطاسة ولما يدبل هتنزلي بالفراخ وحتة زبدة وتحطي بقا بهاراتك ملح وفلفل وبهارات فراخ وجنزبيل وتوم بودر وكاري وببريكا شوية حلوين وجوزة الطيب وزعتر وتلبيهم سوا وتنزلي بكريمة الطبخ شوية حلوين لاننا هنقسم الصوص الابيض بين المكرونة والفراخ وتسبيه يغلي مع الفراخ وتوطي النار لما يتقل وتشيلي الفراخ بطبق وتنزلي بالصوص ع المكرونة وتقلبيها وتغرفي بطبق وفوقها الفراخ وبالهنا
للي معندوش كريمة الطبخ اللباني هتعملي اية
نفس الخطوات وهترشي معلقتين باشمل الاكايس ع الفراخ وتقلبيهم شوية مع بعض ونزلي بتلت اربع كوباية لبن وهيبقي تمام برضو بس طبعا الكريمة الطعم بيها مختلف
