مشكلة الكرش مشكلة صعبة ومحرجة لكل الناس لانها بتسبب شكل مش حلو وكمان يبقى فى صعوبة فى ارتداء الملابس ولان مظهرنا العام يهمنا فأحنا دلوقتى هنقول على عدة طرق لتخسيس الكرش :
الطريقة الاولى : تخسيس الكرش بالشاى الصينى
المقادير : معلقة شاى اخضر صينى طازج + معلقى زنجبيل طازج + نعناع + قشر رمان
الطريقة : تخلطوا الحاجات دى مع بعض وتغلوها وتشربوا منها كوباية مرة بدون سكر كل يوم 3 مرات بعد الاكل وان شاء الله هتشوفوا الفرق بعد 10 ايام بس .
الطريقة الثانية : لازالة الكرش فى اقل من شهر
المقادير : معلقة من البابونج + معلقة من اكليل الجبل + معلقة من الزعتر
الطريقة : تضيفوا المقادير دى لكوباية مية واحدة وبعدين تسبيوهم يغلوا شوية على النار واذا حبيتوا تضيفوا سكر لانه مرة شوية ممكن معلقة واحدة صغيرة وتشربوا كوباية على الريق والمعدة فاضية قبل الفطار بربع ساعه وكوباية تانية بالليل والوصفة دى مفعولها اكيد بس اهم حاجه تستمروا تشربوها لمدة شهر .
الطريقة الثالثة : ازالة الكرش وشد البطن
المقادير : مرامية + بابونج + اكليل الجبل
الطريقة : تخلطوا معلقة صغيرة من كل المقادير اللى فاتت وبعدين تغلوهم مع بعض وتصفوهم وتشربوا منهم 3 مرات فى اليوم مرة الصبح على الريق ومرة العصر ومرة بالليل قبل النوم واهم حاجة فى الوصفة دى انكم متضيفوش ليها سكر وعلى فكرة طعمها كويس مش مر
