السلام عليكم ورحمه الله وبركاته
لكل الاعضاء وزوار منتدى نجوم مصريه الكرام والى كل حبيبين وعشاق المكرونه والكبده النهارده جيبالكم طريقه عمل مكرونة بالكبدة تحفه وتعتبر المكرونه بالكبده من الاكلات المغذيه والمحبوبه والمفضله لدى الكبار والصغار واليكم اجمل واطعم طريقه لعمل المكرونه بالكبده بخطوات سهله وبسيطه اتمنى ان تنال اعجابكم ورضاكم
مكونات تتبيل الكبدة:-
½ كيلو كبدة
ماء بصلاية وسط
1ملعقة كبيرة ثوم مفروم
1ملعقة صغيره مش مليانة كمون مطحون
1/2 ملعقة صغيرة كسبرة ناشفة مطحونة
1/2 ملعقة صغيرة بصل بودر
1/2 ملعقة صغيرة بهارات لحم او مشويات
لو مش موجود مافيش اي مشكلة)
1ملعقة كبيرة زيت زيتون
عصير 2 ليمونة
ملح
رشة فلفل اسود + رشة جوز الطيب بس مش هنحطهم في التتبيلة
الطريقة
هنخلط كلالمكونات مع بعض و نحط الكبدة عليهم و نسيبهم يتبلو على الاقل نص ساعة و الكبدة تكون مقطعة أصابع مش رفيعة و لا تخينة وعلى ما تتبل نعمل المكرونة نسلق المكرونة عاادي و نصفيها و نحضر لها بصلة صغيره مبشورة و طماطماية وسط مبشورة برضه و شوية زيت مش كتير و نحطهم في حلة على النار لما الطماطم لونها يبان انها استوت يبقى كده تمام و نحط الحلة على جنب ووقت الاكل نحط الكبدة في طاسة ممسوحة زيت و تقلبيها بالكتير 5 دقائق و تكون استوت اهم حاجة ماتنشفيهاش عايزين فيها شوية صوص و تجيبي عليها المكرونة اللي جهزناها و تقلبي كويس علشان المكرونة تاخد صوص الكبدة و ترشي عليها رشة الفلفل الاسود و رشة جوزة الطيب
بالهنا و الشفا