طرق حفظ الطعام
-طريقه حفظ الفلفل الرومي .. لو كنتي استخدمتي جزء من الفلفله ومش كلها بتستخدميها من تحت تقطعي الجزء الي انتي هتستخدمي وتسيبي الراس بالبذور بتعتها الي من جوه علشان دي بتحفظ الرطوبه وتحطيها بعد كده في كيس نايلون وتفضل معاكي 4 ايام محتفظه بيها
- طريقه حفظ البطاطس .. البطاطس بقه من اكتر الخضار الي لو قطعناه جزء منو بيسود بسرعه وبتبوظ فممكن بعد من نقطعها نعصر عليها ليمون ونوزعه كويس علي البطاطس ونحتفظ بيه بعيد عن النور في ظلمه تامه وكده بنحافظ عليها من انها تبوظ او تسود
- طريقه حفظ البهارات بقه علشان نحافظ علي ريحه البهارات وتبقه بالنكهه الي احنا بنحبها لازم تكون بعيده عن الحراراه والرطوبه ونحتفظ بيها في برطمانات مقفوله كويس جدا وفي مكان بارد احسن حاجه اننا نطحن كميه تكفي لمده اسبوع بس علشان نحافظ علي ريحه ونكهه البهارات طول المده
- طريقه حفظ الاعشاب (النعناع -) اهمها والي كتييير مننا بيحب طعمه وبيبقه موجود بااستمرار هو النعناع وبنحب طعمه مع الشاي والليمون وحتي لو لوحده كمان بس مش بنقدر نحافظ علي نكهته اطول وقت ممكن اول حاجه بنغسله وبنشيفه بمناديل ورق ونسيبه لينشف تماما وبعد كده نقطعه ونحطه في برطمان بلاستيك مقفول كويس
-طريقه حفظ البرتقان والليمون بيبوظ بسرعه وعلشان هما بيتاثر بااي ريحه تانيه في التلاجه فنبعده عن أي انواع تانيه موجوده ونحطه في كيس في مكان بعيد لوحده ويفضل ليهم التبريد
-طريقه حفظ البطاطا المفروض منحطهاش في التلاجه علشان النشا الي موجود فيها بيتحول الي سكر وبيبقه طعمها مش حلو لكن نحتفظ بيها في مكان بارد وظلمه وجاف علشان متبقاش لونها اخضر
- طريقه حفظ الطماطم مش نحتفظ بيها وهي مغسوله ومش في التلاجه علشان التلاجه بتاثر علي طعمها ونكهتها وبتبقه طريه بتبقه في مكان بارد وجاف
- الكرفس او البصل الاخضر ... بنلفه بورق مطبخ او ورق قصدير قبل ما ندخلها التلاجه
- الباذنجان والخيار من الغلط الاحتفاظ بيهم في التلاجه لان التبريد بيسرع من تلفهم لازم يبقه خارج التلاجه واذا حطناهم في التلاجه يبقه لمد يومين ويفضل تبقه بره
- القرنبيط نحتفظ بيه في اكياس بلاستك وفي التلاجه
- الكوسا بنلفه بالنايلون ونحتفظ بيه في التلاجه
