السلام عليكم ورحمه الله وبركاته
لكل الاعضاء وزوار منتدى نجوم مصريه الكرام والى كل عشاق اكلات الكبدة الاسكندرانى النهارده جيبالكم طريقه لذيذه وتحفه لعمل الكبده الاسكندرانى وتعتبر الكبده من الاكلات المغذيه والمفضله والمحبوبه لدى الكبار والصغار واليكم اجمل واطعم واحلى طريقه لعمل الكبدة الاسكندرانى بالخطوات والصور وهذه الطريقه بخطوات سهله وبسيطه جدا يارب تنال اعجابكم ورضاكم
المقادير
1/2 كيلو كبده مقطعة شرايح
(المقادير دي لشخصين او 3 بس لو اكتر بتزودي الكمية )
فلفل رومي ألوان حوالي 5 أو 6 وحدات
فلفل حامي ( حسب الرغبة )
بصل مقطع شرايح
تتبيلة الكبدة
حوالي 4 أو 5 فصوص ثوم كبيرة مدقوقة
خل
ليمون
ملح وفلفل
الطريقة
هاتي الكبدة الشرايح واغسليها كويس أوي بالخل والليمون
تبليها بالثوم المدقوق والملح والفلفل وغرقيها في الخل والليمون
سيبيها لمدة نصف ساعة
بعد كده قطعي البصل والفلفل الحار والفلفل الرومي شرايح
بعد كده اخلطيهم مع بعض
وجيبى طاسة وحطي فيها شوية زيت ذرة أو عباد زي ماتحبي
وطشي فيها الكبدة
سيبيها تغلي مع بعضها على نار عالية
وبعدين وطي عليها النار لتحت
ماتضيفيش ليها مية هي هتنزل ميتها وهتستوي فيها
بعد كده علي عليها النار علشان تنشف
زي كده
بعد ماميتها تنشف أعدي قلبيها لحد ماتتحمر في الزيت اللي انتي كنتي حطاه