علبة لبن مكثف وعلبة جبنة كيري وعلبة جبنة مثلثات وقشطة (لو مافيش قشطة عادي) ,,, واتنين باكيت بسكويت كبار و علبتين جيلي و اي فاكهه تحبيها
الطريقة:
1-هتضربي البسكويت في الكبة لغاية ما ينعم وتحطيه في صينيه ومعاه معلقتين سمنة كباار او تلاتة وتقلبيه البسكويت كويس وتفرديها في الصينية وتضغطي عليه بايدك وتدخليه الفرن لمدن 10 دقايق ياخد لون وتخرجيه يبرد
2-وبعدين هتضربي اللبن المكثف والجبنة في الخلاط و تدخليه الخليط ده في التلاجة 10 دقايق علشان يتماسك شوية ولما البسكويت يبرد تفردي الخليط فوقه براحة وبعدين تدخلي الصينية في الفرن لمدة 25 دقيقة ,وبعدين تخرجي الصينية وتسيبيها تبرد ولما تبرد دخليها التلاجة.
3-تحضري اخر طبقة بقي...هتجيبي علبتين جيلي و تعمليهم عادي بس تقللي كمية المية..يعني لو العلبة بتحتاج كوبايتين ميه انتي هتعملي كوباية واحدة
ولما الجيلي يبرد تقلبي عليه الفاكهة المتقطعة وتحطي الجيلي في الصينية بشويش خاالص وتدخليهم التلاجة وبس كده
