نسلق المكرونه اى نوع بس القلم احسن لان كل حاجه هتتقطع بالطول المهم هنقطع البصل جوليان وفلفل الوان اصفر واحمر واخضر هنقطعهم برده جوليان وشيش طاووق جاهز هنحمره ونقطعه بالطول برده هنشوح البصل فى معلقتين زيت وننزل عليه بالفلفل ونقلب وبعدين الشيش طاووق ونقلبهم مع بعض وننزل عليهم بالصوص وعباره عن معلقتين كبار مايونيز وعلبة زبادى صغيره ومعلقتين صويا صوص ونقلبهم كويس مع بعض بعد ماهنزل الصوص ده على البصل والفلفل والشيش طاووق نسيبهم دقيقه كده مع بعض وننزل عليهم بالمكرونه المسلوقه ونقلبهم كويس ونظبط الملح والفلفل الاسمر بس وبالهنا والشفا مقدما ياقمرات
