كل سنة وانتم طيبين موسم الفراولة الوقتى طازة وجميلة وتتاكل اكل علشان كدا بنخزن منها وكمان بنعملها اهم حاجة بنحبها وكمان ولادنا بيحبوها وبنستخدمها فى الحلويات هيا
"مــــــــربى الــــــــفـراولة" علشان كدا اول ما افتكرتها قلت لازم اقولكم ازاى بنعمل مربى الفراولة الصحية اللذيذة فى البيت بدون المواد الحافظة الى بنشتريها من بره كلها مكونات طبيعية وكمان المربى بتاعت البيت مختلفة تماما عن اى مربى بتشتريها لانها بتبقى بخيرها كدا ومليانة قطع الفراولة ولما نديها لاطفالنا نكون مطمنين اربعة وعشرين قيراط انها صحية وخالية تماما من المواد الحافظة
وعشان تعملى مربى الفراولة هقولك على طريقة جميلة جدا وهتعجبك اول يا ترى ايه هيا
المقادير
كيلو فراولة
نصف كيلو سكر
عود قرفة
نصف لمونة
الطريقة تقطع الفراولة مكعبات صغيرة او حسب الرغبة ويوضع السكر عليها وتترك ساعة او ساعتين لحين ما تنزل كل مايتها وبعدين نحطها على النار مع عود القرفة وفى الاخر بعد ما تستوى نشيل عود القرفة ونعصر نصف لمونة وبكدا احلى مربى تعبيها فى برطمانات زجاجية وتفضل فى التلاجة لوقت طويل جدا
ودى طريقة الشيف حسن بالفيديو
من هنا