طريقة عمل سلطة الحمص الشامى

مساء الخير عليكم جميعآ انا جبتلكم اكله مختلفه تماما عن الاكلات العاديه كلنا بنحتاج شوية تغيير فى الوجبات عشان نغير الروتين العادى للاكلات ونخلى الزوج او الاهل ميزهقوش من الروتين بتاع كل يوم ده وفى نفس الوقت الاكله لذيذه جدا وجميله وسهله ومبتاخدش وقت انا عملتها بسرعه النهارده وكمان على اللى مبتعرفش تطبخ هتكون سهله عليها اهم حاجه تركزوا معايا فى المقادير عشان تطلع كويسه معاكوا وياريت لو تشاركونا وانا هحاول اقول مقاديرى بتكفى كام شخص اكلتنا النهارده عباره عن حمص شامى ولبن زبادى وطحينه يلا بقى نجهز غدانا وانا هحاول اشرح بالتفاصيل وان شاء الله تعجبكم يلا بقي نعمل اكلتنا


المقادير :-

واحد ونص كوب حمص شامى
واحد ونص كوب لبن زبادى
نص كوب طحينه
8 فصوص ثوم مطحون
ملح – فلفل – زيت زيتون
كوب عصير ليمون

الطريقه :-

- ينقع الحمص بعد تنقيته وتنظيفه تمامآ لمدة 24 ساعه
- يغطى الحمص بالماء ويرفع على النار حتى ينضج تماما ويصبح سهل الهرس
- يطحن او يدق الحمص حتى يصبح كالكريمه الناعمه
- نخلط اللبن الزبادى مع الطحينه والملح والثوم والليمون خلطآ جيدآ
- نضيف الخليط الى الحمص المهروس
- نضيف الزيت حسب الرغبه