اليوم جبتلكم اكله مصرية جدا جدا بتحبوها جدا جدا وهيا اكله مشهورة جدا جدا
الاكله دى هيا الممبار كلنا عارفين اد ايه بيبقى طعمه جميل وعارفين اد ايه هو مفيد لينا جدا وطبعا هو اكله من اكلات العزايم الكبيرة والاعياد وخاصة عيد الاضحى
ستات كتير بيحبوه وبيحبوا ياكلوه لكنهم بيخافوا يعملوه وبيفكروا انه صعب وهيبوظ منهم ويخافوا حتى من غير ما يجربوا ستات تانية بيخافوا من تنضيفه مع انه من اسهل ما يكون لكنه بس بيحتاج وقت كل الحكاية انك بتقلبيه على جمبة التانى وتشيلى الزوايد وتغسلية كويس وبس طيب يا ترى طبخه سهل برضه ايوا سهل جدا وحتى تعالى شوفى معانا
المقادير
ممبار باللحم المفروم
1/2 كيلو ممبار
1/4 كيلو لحم مفروم
1/2 كيلو أرز
3 حزم خضرة
بصلة كبيرة مبشورة
4 فص ثوم
فلفل رومى
فلفل حار
1/2 كيلو طماطم مبشورة
زيت
كمون
ملح و فلفل
طريقة التحضير
ممبار باللحم المفروم
نظفى الممبار جيدا زى ما قولتلك بتقلبيه وتشيلى الزوايد وتغسليه كويس بملح ولمون
شوحى اللحم المفروم فى الزيت و تبليها.
ضعى الأرز على اللحم ثم باقى المقادير و نصف كوب زيت.
إحشى الممبار و إسلقيه ثم حمريه فى الزيت و ضعى البقدونس فوقه للتجميل.
يقدم ساخنا.
وبالف هنا وشفا احلى ممبار هتدوقيه وكمان سهل جدا
