السلام عليكم ورحمه الله وبركاته
لكل الاعضاء وزوار منتدى نجوم مصريه الكرام والى كل عشاق اكلات الحواوشى النهارده ان شاء الله جيبالكم طريقه عمل الحواوشى تحفه من مطبخى ويعتبر الحواوشى من الاكلات الجميله والمفضله والمحبوبه لدى المستهلك واليكم اجمل واطعم طريقه لعمل الحواوشى بدون فرن من مطبخى بالصوربخطوات سهله جدا يارب تنال اعجابكم ورضاكم
المقادير هي
كيلو لحمة مفرومة او نصف حسب عدد الافراد وتفرمى اربع بصلات كبار وملح وفلفل وتوابل وكمان فلفل حار اذا حبيتى
تجيبى الخبز وتفتحيه من فوق وبعدين تحطى فيه جزء من اللحمة اللى انتى تبلتيها وتقفلى الخبز وتقطعى على الوش قطع لية اذا كنتى حابة
وممكن تقسمى الخبز على نصفين لو حابة ثم نضع طاسة على النار وتكون تيفال علشان ما تلزقش وندهنها بالزبدة والزيت ثم بعد التسخين نضع الخبز فى الطاسة ونهدى النار ونغطى وبعد شوية نقلب الخبز على الناحية التانية حتى نتاكد من انه استوى وبالهنا والشفاء
وده بعد ما استوى وبتقدمى معاه سلطة خضرا بالبصل بتبقى اكلة حلوووة وسهلة وبالهنا والشفا
