المقادير
* 2 جوز حمام
* كيلو فريك
* ملح وفلفل
* زبدة او سمن بلدي للتحمير
* بهارات
* ورق الغار
* خيط وابره
* بصلة
التحضير
نجهز الحمام بغسله جيداً
ونجهز الفريك (نغسله وننقعه فى ماء لمدة نصف ساعة
فى حلة متوسطة نضع ملعقتين سمن .
ثم نضع الفريك ونقلب لنحمره
وبعد التقليب حوالى 5 دقائق نضيف الماء الساخن ..
الماء يغطى الفريك فقط يعنى مش كتير
ونضع الملح والفلفل الاسود
وحوالى دقيقتين او 3 هانلاقى الفريك شرب كل الماء بتاعه
نخليه على جنب لغاية ما يبرد
الفريك كدة استوى نصف سواء او اقل .. لأنه هايكمل سوا فى داخل الحمام
وبعد ما يبرد الفريك نبدأ نحشى الحمام
وبعد كدة نجيب ابرة وخيط ..
انا بعقم الابرة بانى احرقها على النار وبعدين امسحها بمنديل نظيف ..
ونبدأ نخيط فتحة الحمام .. وبخيط الرقبة كمان علشان مايكونش فيه اى منفذ الفريك يخرج من
وبكدة الحمام جاهز للسلق
فى حلة كبيرة نغلى الماء .. وأول ما يغلى انزل فيه الحمام
ولو لقيت أى ريم ظهر على وش الماء اشيله وبعدين احط بصلة وملح وفلفل اسود وورق لورا والتوابل
وهاياخد تقريباً نصف ساعة ويستوى
وبعدها أطلعه واصفيه من الشوربة
وأخيراً أحمره فى السمن البلدى أو زبدة ومعاها ملعقة زيت علشان مش تتحرق
بس طبعاً السمن البلدى بيدى طعم الحمام الأصلى ..
واقلبه فى السمن لغاية ما ياخد اللون الذهبى الجميل
ولا تنسى قبل التقديم تشيلى الخيط